Ei frensk cowgirl sin kvardag ;)

Hei hei!

noreply@blogger.com (Solrunn) — Wed, 03 Dec 2008 04:36:00 +0000

Vart visst lite bloggskriving på tur...

Oppsummering:

Liten stopp i Salt Lake City og kika på Mormoner templet. Og ein stopp ved innsjøen. Vatnet var skuffande lite salt.
Ei natt i Boise, Idaho.
Stopp i Bend, Oregon. Der var me innom BahnBrenner. So då ha Rune det fole kjekt :)
Sov i Eugene, Oregon.

Køyrde heilt ute ved kysten denne dagen. Var fole godt å sjå hav igjen!
Innom ein dyrehage i Bandon. Eg klappa cougarunge :) Men elles er jo dyr i bur dyr i bur... Fer litt ilt inni me, so er jo passe dobbeltmoralsk og støtte slike plassa med inngangspenger. (men her var det faktisk nokon dyr som gjekk laus blant publikum).
Den dagen her vart ein maratondag. Me stoppa ikkje før me kom til Laytonville, California. Verste drittmotellet! Ikkje meir å seie om det. Tidleg avgårde neste morgon.

Me hadde ein stopp i San Francisco. Fekk køyrt bratte bakkar!
Målet for dagen var San Luis Obispo. Der besøkte me Liv Inger Drejer, som er utvekslingsstudent på high school der. Kjempekosleg hadde me det der.

Men på veg inn til byen når me kom so vart me stoppa av politiet. Og dei hengte seg opp i at visumet mitt var utgått (og dermed det amerikanske førarkortet mitt). Dei visste ikkje om ordninga med at ein kan vare her 30 dagar etter at J1-visumet er utgått. Og ville ikkje godkjenne det internasjonale og det norske førarkortet. So eg fekk ei bot for at det amerikanske var utgått. Skal egentleg møte i retten og greier. Men akkurat no gjer i egentleg faan! Ordna seg sikkert. Utvekslingsorganisasjonen min her jobba med saka.

Etter eit kjekt døgn i San Luis Obispo barst det til Los Angeles. Me ordna oss me motell i Santa Monica før me kom dit. Og me var heldig der. Fint motell og berre to gater opp frå Santa Monica Beach.
Måtte jo sjølvsagt til Hollywood. Vart limousine-tur til Beverly Hills. So no har me sett husa til Tom Cruise, David Beckham, Christina Aguilera og Hugh Hefner, blant andre. Eller, iallfall hekkane deira :)
Var på kino òg, på Hollywood Boulevard. Såg Bolt, 3D Disneyfilm. Artig den.

Disneyland og California Adventure Park var artig til barnslege Solrunn ;) Mest å sjå i førstnemnte, mest å gjer for oss i sistnevnte.
Helsa på Mikke Mus og fekk autografen, hihi.

Fekk meg eit kjapt bad på "Baywatch-beachen". Og me åt på Bubba Gump Shrimp resturanten på piren eine kvelden (på tide eg ser Forrest Gump filmen igjen).

So gjekk turen vidare til Las Vegas.
Og du store tid! For ein by!
Er altfor mykje å seie om Las Vegas at det får vente til eg kjem heim.
Sjekk ut
www.stratospherehotel.com/thrills

Jepp, me tok alle tre sjuke tinga! :) Pluss berg-og-dal-banen på New York New York!

I dag køyrde me til Williams, Arizona. So i morgon går turen til Grand Canyon!

Og i morgon er det ei veke til turen heim til Norge byrjar. Berre ei veke....rart!

No er kvardagen som cowgirl over

noreply@blogger.com (Solrunn) — Thu, 20 Nov 2008 05:16:00 +0000

Og den store roadtripen i gang!

Rune kom på mandag kveld. Bagasjen kom ikkje før tirsdag kveld...
Men me hadde lyst å komme oss av gårde, so me køyrde eit par timar og sov i Gillette, Wyoming.

I dag har ruta vore Gillette - Buffalo - Worland - Riverton - Lander - Rock Springs.
Ei bygd me køyrde gjennom heitte faktisk Eden! Der sa skiltet at det budde 220 personar.

Landskapet har variert frå fjellpass og svinger à la Trollstigen til uendelege vidder. Rune har knipsa i veg! Medan eg har vorte god venn med cruise control`n :)

Planen for morgendagen er Salt Lake City.

Gratulerer med dagen til begge mamma`ene!
Og gratulerer med overstått til Lone og tante Randi!

9 mnd

noreply@blogger.com (Solrunn) — Sat, 15 Nov 2008 03:54:00 +0000

Offisielt er no siste arbeidsdag her over.
Men den starta med funn av fleire sauer begravd i snoen.
So naar Deb, og eigentleg Craig men han vert heime, skal paa den nasjonale Angus konferansen i helga, so bli det litt arbeid paa meg likevel.
Skal medisinere hesten og stelle for sauene som ikkje er oppegaaande endaa. (Kor mykje praksis maa ein ha for aa komme inn paa Sauefysioterapeut-studiet? ;p )

Ein av sauene fraa forrige veke hadde ligge med nakken til eine sida so lenge at den framleis er slik. Skal legge inn eit bilete av det i helga. Ho er oppe og gaar, men hovudet er boygd heilt til eine sida...

Det skal vel verte god tid til aa pakke&greier likevel. Bli litt spanande og sjaa korleis det loyser seg til slutt. Har visst vorte litt shopping i lopet av aaret...

Litt rart aa tenkje paa, at om ei veke er me godt i gang med turen vaar. Ranchen her har vore kvardagen min i 9 mnd no, men om faa dagar skal den ikkje vere det lenger.
Det skal jo verte greit med ei forandring, so absolutt, men det er jo alltid litt vemodig naar ting tar slutt.

Gratulere med overstaatt til Trond Vegard, Lars Marius og Kristine!

Snø...

noreply@blogger.com (Solrunn) — Sat, 08 Nov 2008 23:30:00 +0000

Laurdag i dag, og det vart ein roleg dag for meg.
Ein familie som brukar å vere her kvart år og jakte kom i går. Dei tok turen opp på ranchen i dag, samtidig som resten av huset her drog opp for å sjekke sauene etter snøvêret. Eg vart heime for å gje Dan medisinen sin til fast tid (og litt anna småplukk).
Ved lunsjtider ringte Deb og måtte ha tak i Craig&bobcat`n (han var ikkje reist oppover likevel). For det var mange sauer fast i snøen, både levende og døde... Eg fann ikkje Craig nokon stad og fekk ikkje tak i Deb igjen heller. So reknar med alle mann oppe der har stått/står og graver ut sauer!
I solidaritet so måka eg rein ein garde i rødløa. Hadde vel vorte mi oppgåve før eller seinare likevel.

I går starta dagen med at Craig brøyta vekk skavelen som hadde lagt seg over vegen ved verkstaden, slik at det vart råd å komme seg "tå garden".
Etter lunsj drog me opp til ranchen for å sjekke ståa der. Kyrne hadde lagt ned gjerdet i eit hjørne og komme seg inn i eit anna beite, men me fekk jaga dei tilbake. Tre av kyrne var "fanga" i eit hjørnet av dette andre beitet pga djup snø. Me laga eit trakk e$md hestane, so det ordna seg.
Når me skulle dra igjen so stod pickup&hestehengar fast... Men etter mykje om og men kom me oss heimover! Eg stod i ro og holdt hestane; ull innerst er alltid suksess.

Dei fleste stader ser ein graset på attlegene, so det ser ikkje ut til at det har komme noko særleg med snø. Men fordi det er forholdsvis flatt og det bleste slik so la det seg skavlar her og der, som gjorde somme vegar uframkommelege.
Interstate 90 var stengt ei god stund. So det hopa seg opp med store trailerar i Belle Fourche. Alle store parkeringsplassane var fulle, + at dei hadde byrja å parkert langs gatene. Det er sesong for salg av kalvar no, so mange av trailerane hadde kalvar som last.

Takke meg til traktor&skjere på kvart eit tun, og piggdekk :)

Snø og daglege syslar

noreply@blogger.com (Solrunn) — Sat, 08 Nov 2008 19:32:00 +0000

Dette innlegget vart skreve torsdag 6.november, men då virka ikkje internett her i huset. Enjoy!

I dag, torsdag, vart det innedag. Det byrja med vind og regn midt på dagen i går, seinare gjekk det over til snø. Framleis bles det, og det snøar litt. Vanskeleg å seie kor mykje snø som har komme, sida det bles seg i skavlar rundt om. Det er under ½ meter, men nok til at skulane er stengt i dag.

Klokka 07 var eg ute i løa og ga Dan medisinen sin som vanleg, og sørgja for dei 2 lamma der. 2 av hestane er her òg no, dei hadde med rette søkt ly i løa og stod og såg ut på snøkaven. Resten av hestane er som vanleg oppe på ranchen, ute på beite. Men dei har tak dei kan gå under.
So hjalp eg Craig i andre løa. To småsjuke kalvar står inne der, i tillegg tok me inn 5 stk som har vore litt sjuk tidlegare. Resten såg ut til å greie seg brukbart ute. Heldigvis er det ikkje altfor kaldt.
Heldiggrisene som fekk komme inn. Naturen har forresten sørgja for Halloween-dekorering!

So seint som laurdag arbeide eg ute i t-skjorte. Men vêrmeldingane er ganske spesifikke, so allereie for eit par dagar sidan sa dei på radioen at ”the snowstorm” ville komme kl. 17 onsdag og vare til kl.17 torsdag. ’Snowstorm’ på amerikansk kan nok ikkje oversettjast direkte til norsk. Snowstorm, rainstorm og thunderstorm er uttrykk for snøkave, regnvêr og tordbyger.

Som sagt går hestane ute på beite oppe på ranchen når dei ikkje vert brukt. Når me skal bytte hestar so hentar me dei inn. Då rir me ut med ein hest og jagar dei inn i ei innhegning. Å ha ein flokk på 9 hestar i full galopp framfor seg kjem vel ikkje til å skje so mange andre stadar enn her.. Totalt har dei 12 hestar.
Misty er pensjonert, Little Joe er ikkje innridd. Eg har ridd Maynard, Chico, Cocoa, Smokie og Big Enough. Elles er det Frosty, Sam, Glory og Einstein, og i tillegg Dan som er sjukmeldt. Altså berre vallakker, utanom Misty.

Her rir eg Big Enough. Me hadde sortert ut alle 9- og 2-åringane og førte resten ut til eit anna beite.

I går måtte me flytte desse kyrne ut frå dette beitet igjen. ’Unit 2’ har ingen vegetasjon, so me flytta dei til ’the middle creek pasture’ som vil gje dei meir beskyttelse i styggevêret. Me brukte pickup og ’cake’. Kyrne kom springande langt unna i frå når dei høyrte pickupen og at me fløyta. Dei veit at det betyr fôring. Til saman var det ca 200 kyr i beitet. Me oppdaga samstundes at det var 6 kalvar me ikkje hadde fått me oss inn då me skulle…

Her er ’the pivot’, vatningsanlegget. Eg sjekka girolja på alle hjula i førre veke, 14 i alt.

På fredag var det jo Halloween her. Eg var med då Callie og 2 venninner gjekk ’trick or treat’. Det vil seie, eg gjekk ikkje på dørene, eg stod på fortauet i lag med Deb og mora til tvillingane. Men jentene spanderte av ”overfloden”, so vart nok godteri på meg og :) Foreldra er med barna og går, og dei går berre til hus der utelyset ved ytterdøra er påslått. Er det ikkje på er det eit teikn på at dei ikkje ønskjer besøk. Dei fleste husa har dekorasjonar i hagen og på huset. Det første huset me gjekk til hadde fleire imponerande gresskar!
Her er gresskaret Callie skjærte ut.

Førre torsdag tappa Cliff og eg tom fleire drikkekar på Ruby place, og gjor dei rein. Mykje svart suppe! Dette karet er laga av eit lastebil(?)dekk.

Søndag var eg med på ”4H recognition banquet”. Det var for alle 4H-klubbane i Butte County. Ungane fekk utdelt diverse plakettar, i mange ulike kategoriar.

Her er me på veg til ranchen med sauer. Der sorterte me søyer og årslam frå kvarandre. Lamma vart lasta på hestehengaren, som for anledninga hadde dobbelt ’deck’, og køyrt til nokre attleger ved Ruby place.

Her skal eg sette nytt øyremerke på ei ku som hadde mista sitt.

Cliff, eg og Lilly stoppa og hadde ein liten ”fotosession” etter at me hadde vore på ranchen og reparert litt gjerder.

Her er Dan, som framleis får medisin 4 gonger for dag. Serum frå sitt eige blod får han to gonger, Silvadine får han alle gongene, + Saline til å skylje det andre igjennom slangen. Og på morgonen får han litt smertestillande pasta, i munnen. Han var til kontroll tidlegare i veka og dyrlegen seier det ser bra ut.

Eit par stemmningsbilete frå i dag tidleg.

Eit lite blinkskot frå bensinstasjonen. Lastebil eller bobil? :)

Om ei veke har eg min nest siste arbeidsdag her. Litt rart å tenkje på at det har komme so langt. Eg hugsar kor langt fram november syntest i februar… Men sidan då har eg opplevd mykje av det eg har drøymt om! Ein del av dette er ting eg nok aldri får gjort igjen. Men ein ting er sikkert: eg skal ha mine eigne kyr og sauer, ein vakker dag! Men ikkje so mange som 290 og 1200 av kvar, hehe.

”Lista” over ’slekt og vener’ som ventar smått til neste år vert berre lengre og lengre :) Gratulerer til alle! (ingen nemnt, ingen glemt).

God kveld godt folk

noreply@blogger.com (Solrunn) — Tue, 28 Oct 2008 04:34:00 +0000

Då kjem det ei oppdatering igjen. Eg gjer jo faktisk litt anna enn berre å glede meg til tur med Rune og heimreise ;)

Hovudaktiviteten i det siste har vore avvenning av kalvane. Kyr&kalvar har vorte henta inn frå beite og sortert frå kvarandre, oppe på ranchen.
Kyrne har so vorte drektighetsundersøkt (med gode gamle metoden), fått vaksine og middel mot lus/fluge/orm. Dei som ikkje har teke seg vert sendt av garde til ”the salebarn”.
Kalvane har vorte frakta ned til farmen. Der står dei og bæljer, og får høy og havre. Først var det kvigekalvane som var her. No er dei flytta til Ruby place (den andre plassen deira her nede), der dei skal vere til dei vert seld i april. No er det oksekalvane som er her på farmen. Kastratkalvane vart seld på ”videoauksjon” tidlegare i haust, og vart frakta til ”the salebarn” førre veke der kjøparen henta dei.

Lasting av dyr på semitraileren. Fyren i kvit caps er Cliff.

Det var ei ku som hadde hatt eit ublidt møte med eit 'porcupine' (hulepiggsvin)...

Høyet kalvane får no er same graset som er ute på beita. Det gjer avvenninga enklare og det vert mindre sjukdom. Hittil veit eg berre av ein kalv som var dårleg. Han var oppblåst, men trur Craig ”fiksa” han frisk att. Det er ikkje kvart år dei har hatt mulegheit til å fôre med slikt høy. I følgje Craig kan det lønne seg å kjøpe slikt høy om ein ikkje har sjølv, sidan ein sparar seg ein del sjuke kalvar.
To av dagane i førre veke var Cliff og eg ”heime åleine” og flytta dyr på eiga hand. Eine dagen sorterte me dei frå kvarandre òg. Artig å få prøve seg på eigahand!

Her har Cliff og eg flytta ein flokk med kyr&kalvar til eit beite nærare der dei skal behandlast, dagen etterpå.

Og her er dagen etterpå, etter at me har sortert ut kalvane i ein annan flokk.

Maynard har nok vorte min favoritthest her. Rytmen hans passar meg so bra, det er veldig behageleg å trave/galloppere med han.

Her flytter me kyr, ute på "prærien".

Veronika, frå Tyskland, som var trainee her for ca 10 år sidan var her på besøk ein dag. Veldig kjekt å få dele nokre felles erfaringar med ho! Med andre ord: det er ikkje berre eg som har vore h…….s irritert av og til….

Ei heller ufrivilleg erfaring eg har gjort meg i det siste er køyring av lastebil utan bremser… Eg brukte F-600`n til å køyre vekk nokre store greiner som hadde blese ned her på farmen. På veg opp bakken til ”the dump” skulle eg gire opp i andre. Men eg bomma på giret…. Og bremsene ville ikkje verke akkurat då! Eg ratta som f… for å unngå ei skråning. Midt i all rattinga kjem eg på at det er jo ei diger vatningsgrøft der òg, og svingar endå meir, og reknar med å brase inn i gjerdet eg var på veg gjennom. Men når eg stoppar so står eg so fint midt mellom grøfta og gjerdet, so alt gjekk godt. Likar tanken på at eg ikkje fekk panikk. Resten av ”oppdraget” går det i første giret i sneglefart og tenninga vert brukt som bremse. Eg trur diagnosen viste seg å vere lekkasje på bremsesylinder.

I dag og førre søndag har eg raka høy. Stor traktor og fancy utstyr? Niks, International Farmall 544 og ei høyrake som eg tenkte ’antikk’ om første gong eg såg ho. Men det funkar jo godt, og det er jo poenget.

I dag var girolja på raka frøsen, slik det gjerne går når ein skal rake høy i slutten av oktober, hehe. Vanlegvis er dei ferdig med høyet i slutten av september, men alt har vorte seint i år pga den våte våren. Eg, som syns det er skummelt nok med gasskomfyr, vart utstyrt med propanbrennar og ein dunk med ny girolje. Det ordna saken.

Slik går det òg an å køyre traktor ;)

For nesten to veker sidan oppdaga me at hesten Dan hadde ei dårleg auge. Han vart sendt til veterinæren og kom ikkje heim før no på søndag. Han hadde skada hornhinna og fekk i byrjinga behandling kvar time, seinare annakvar time. Etter at me fekk han heim får han medisin på auga si kvar fjerde time (ikkje på natta). Me gjev det i ein slange som er operert inn slik at det drypp ned på auga hans innanfor augelokket. Han må stå inne med tildekte vindauge, for han bør ikkje få sollys på auga. Eg trur faktisk dyrlegen skjærte vekk noko av hornhinna og erstatta den med ny (kunstig?).

Andre ting som har stått på timeplana i det siste er mellom anna reparering av gjerde, oppsetting av gjerde rundt høystablane, vaksinering av lam, sending av sau til vinterbeite, måking av hestehengar (greitt med Hellbillies på øyra til slikt arbeid), vasking av kjøleskåp. Og litt fri har det vore. I går for eg på kino i Spearfish. Såg ’Appaloosa’, westernfilm med Viggo Mortensen.

I dag har Craig og Deb 24 års bryllupsdag. Beleilig nok hadde Craig ein legetime i Rapid City i dag, so dei har vore der heile dagen. ”It`s amazing that you stayed in Rapid the whole day” var Callie sin kommentar til faren. Vart noko fliring då.

Om de syns jula byrjar tidleg heime…her var julepyntavdelingane i butikkane oppe å gjekk allereie i september. Men akkurat no er det Halloween som er det store. Somme hus har i overkant med dekorasjon i hagen. Callie har skjært ut eit gresskar, men eg har ikkje teke bilete av det endå.

Kan ein køyre frå sin eigen skugge??

Her ser de ranchen. Bileter er teke frå beitet.

”There`s that cow that`s been having bull calves every year, just like her mother.” Naboen Bill er ein morsom kar å jobbe i lag med :)

Ha ei fin veke!

Bildespesial, september

noreply@blogger.com (Solrunn) — Mon, 13 Oct 2008 03:07:00 +0000

Her kjem det nokre bilete frå då mamma, pappa, Roy Sivert og Marita var på besøk. Heilt tilfeldig rekkefølge.

Store forhold! George Washington under uthogging.

Takboks...?

Mount Rushmore (slik du ikkje ser det på postkorta)

Mount Rushmore og flaggallèen. Alle statsflagga i USA.

Alle sauene som skulle sorterast.

Sjå her Kristin! Rosa sprit :) Og til dere andre: sjekk prisen. 1,75 liter Smirnoff til ca 120 kr.

Slik ser Solrunn ut når ho kjem inn til lunsj etter å ha jobba med sauene. Og skillet i panna kjem ikkje pga sol... Linsene måtte skiftast. Var lurare dagen etter, og brukte briller. No veit ho kva sheepdust er...!

Gjengen i baksetet

KUriositet kallast vel dette :)

Lam som får makkmiddel

Rocky Mountain Goat i Bear Country (drive through wildlife park)

Slik ser det ut når du er sau og endetarmen din heng ut... Den vart putta på plass igjen av dyrlegen, men kom ut igjen etter nokre dagar. So då vart det ei kule som fiksa saken.

Storfint besøk på ranchen; mamma, Marita, Roy Sivert

Gatehjørne i Custer

Kan vel hende det er åpent av og til kanskje? Hahaha

Morsomt skilt i Custer. Trur me åt lunsjen litt lenger ned i gata.

Modell av Crazy Horse monumentet. 1:34 skala.

Slik ser Crazy Horse monumentet ut no.

Devil`s Tower

Akkurat her, og vidare bak fotografen, ligg det eit dinosaurskjellett under jorda..

Ein einsam cowboy i Hill City

Buffalookse i Custer State Park

På denne butikken i Custer hadde dei mykje rart! Dyreklør, gamle bilskilt og harelabbar mellom anna. Eg kjøpte salteppet du ser som heng på stolen til venstre for veska til Marita.

Roy Sivert og ein buffalo på gata i Custer.

Collette, Deb, Cliff, og sauer som skal få makkmiddel.

Collette (nabojente på 14 som hjalp til nokre dagar)ved gangen me driv sauene oppover (eller bortover, sidan det er heilt flatt...)

Frihelg faktisk!

noreply@blogger.com (Solrunn) — Mon, 13 Oct 2008 02:27:00 +0000

No har det byrja å verte rolegare tider her. Eg har faktisk hatt fri heile helga! Første gong det har skjedd.

Dei har opptil fleire epletre her. Og nokre av dei har faktisk veldig gode eple! Har reinska ein del kilo av desse. Det eg har lært av det er at safta frå epla gjer hendene svarte. Ser jo ut som eg har skrudd bil, etter å ha halde på ei stund.

Har sjekka sauene nokre gonger sidan sist, men berre ein har sitte fast.
Eg har vorte mykje betre kjent med alle beita etter all køyringa for å sjekke sauene. Skulle gjerne hatt desse køyreturane i løpet av dei første vekene mine her. Då hadde me kanskje spart oss ein del lange forklaringar, og nokre misforståingar.
Slik sitt ein amerikansk sau fast i gjørma ;)

Her kan du sjå ranchen i det fjerne til høgre på bildet...

Eit bilete til frå beita.

Her er det to kyr som er glade for at eg kom med salt og mineral til dei.

Cliff og eg har lagt på presenningar på nokre av stablane med 4kantballar. Høgt nok til at det er artig å vere på toppen, men passar meg vel for kor eg går…

Dette er frå høystabelen på Ruby place.

Førre søndag hadde eg fri. Satt på nettet mesteparten av dagen…men fekk prata med mange, og det er bestandig kjekt. På ettermiddagen køyrde eg meg ein tur. I Spearfish tok eg ein liten sightseeing-runde i eit forholdsvis fasjonabelt boligstrøk. Veldig store hus (amerikanske hus, hihi). Nokre av dei hadde det himla (!) høgt under taket i hovudetasjen.
Nokre har allereie byrja å pynte til Halloween. Somme hus (ikkje dei store fasjonable..) har hagen full av pynt&dill.
Og om me syns julemarsipanen til Nidar kjem tidleg i butikkane heime, so er dei allereie i full gang å selje julepynt her.

I førre veke tok Cliff og eg i hop mykje vassrør ein dag. I det eine me skulle flytte på var det to skunkar. Jepp, stinkdyr, slike svarte med kvite striper på ryggen. Det første forsvann rimeleg enkelt inn i eit anna rør. Medan det andre ikkje forsvann like enkelt, og luktfritt… For når me endeleg fekk det til å komme ut av røret so stod Lilly klar til å fange det. Og då sto spruten! Endå luktar Lilly som f… . Utan at eg fekk noko direkte spruta på meg, so lukta eg visst ikkje godt då eg kom inn til lunsj. Eg kjente ikkje at kleda mine lukta før eg hadde teke dei av. Til og med kameraveska lukta skunk. So den òg fekk seg ein runde i vaskemaskina. Noko som sikkert ikkje skada uansett, sidan den har vore trufast følgesven i alle omgjevnader&fører i mange månader.

Balja nokre høyballar ein føremiddag. Og når eg var ferdig fekk eg ei liste av Deb med nokre ting eg skulle gjere. Og etter at det var gjort var det fri resten av dagen :) So då fekk eg endeleg sendt av garde bursdagsgåvene til Eden og Emily :) Og det vart investert i koffert. Reiste hit med 1 koffert, men har ingen problem med å fylle opp ein til no!
Fjerning av nedblåste greiner var noko av det som stod på lista. Slik løyser man den oppgåva. Har framleis eit sår i panna etter at eg greidde å gå rett på ein av greinene som stakk opp…

Ein ettermiddag hadde Cliff og eg ein haug med 4kantballar opp på løa. Eg løfta dei på transportbandet. Det merkast på musklane dagen etterpå… Men klagar ikkje på resultatet av støle musklar eg! Før me starta måtte eg ”reinske” løa for kattungar. Dei fekk midlertidig tilhald i eit bur. Eine kattungen låg død då eg kom opp dit, dvs det som var igjen av den… For dei andre søskena satt å åt på han! Og dei er ikkje riktig 2 månader endå dei søte små… Hundane er forresten mistenkt for ugjerninga.

På biletet over har me høy inn på eine løa på Ruby place.
Biletet under er frå rødløa på farmen. Personane er Deb og Craig.

Utover veka byrja det å komme dårlege vêrmeldingar for helga. Derfor flytta me kyrne som var i beitet lengst unna ranchen, og som ikkje har mykje le, til eit meir passande eit. Deb måtte rekke eit møte, so me fekk ikkje tid til å flytte dei som hadde komme seg gjennom gjerdet til beitet ved sidan av før neste dag. Begge dagane var det temmeleg surt og kaldt. So for å avkrefte det ein gong for alle: eit cowgirlliv er slett ikkje glamorøst.
Etter at me hadde flytta dei siste kyrne flytta me sauene nærare ranchen. Og takk og lov for det!

Deb og Craig sorterar ut bekrar i styggevêret.

For neste dag (fredag) skulle me sortere ut bekrane, som har fått gleden av å utføre jobben sin i halvanna veke. Lenge nok til at ca 300 søyer er berekna å lamme i byrjinga av mars.
Og natt til fredag snøa det. Ikkje at snøen i seg sjølv var noko problem, men temperaturen og vinden gjor at eg var glad eg slapp å ri so veldig langt…
Men etter denne sur og kalde føremiddagen hadde eg fri i 2 ½ dag! Eg vart med Deb og Callie til Rapid City, der Callie skulle delta på Western Junior Livestock Show. Ho deltok i borddekking, eksteriørbedømming av husdyr (livestock judging) og fotokonkurranse. Eg trur dei fleste aktivitetane der har med 4H å gjere.
Eg prøvde meg på kjøttidentifikasjon og grønnsaksidentifikasjon. Vart mykje gjetting! Men resultatlista for kjøttID viste at eg ikkje var blant dei nederste på lista :p Resultatet kvalifiserte til ei blå sløyfe stod det. So måtte jo spør om eg faktisk fekk ei. Dei delte vanlegvis ikkje ut sløyfer i vaksenklassen, men eg fekk ei likevel. So no har eg ei ’blue ribbon’, hehe.

Over ser de kjøttet som skulle identifiserast.
Biletet under er frå ei av løene på Western Junior Livestock show.

I livestock judging rangerar ungane dyra (f.eks 4 kviger) etter korleis dei ser ut. I dei eldste klassane må dei gje ei grunngjeving for rangeringa si. Ved denne bedømminga bedømte dei 6 grupper med dyr. 2 grupper med gris, 2 med sau, 1 med kviger og 1 med kastratar. Dei får poeng etter kor ”einig” dei er med ein ”standard”/rangering som er sett opp på førehand. Er du rett flink i livestock judging kan du få stipend til college. Somme college har lag i livestock judging, på lik linje med football- eller baseballag.

Kunst!!

Slik såg maisen her på farmen ut 6.oktober:

Ash kom og krevde full oppmerksomhet mens i plukka tomat :)

Amerikansk attlege...

Advarsel: Langt innlegg :)

noreply@blogger.com (Solrunn) — Fri, 03 Oct 2008 04:20:00 +0000

Gratulerer med vel overstått 60-årsdag, tante Bjørg!
Og gratulere med lisjeguten, Inger Marie&Odd Arne! Håpar alt står bra til. Gratulerer med dagen, Ruth!

Sjølv om det har vore dårleg med ”faglege” oppdateringar siste månaden so har det jo skjedd litt.

Den siste veka i august kan oppsummerast slik: 3 dagar med flytting av kyr, 2 dagar med utlegging av vassrøyr (ikkje heile dagane!), 2 dagar med flytting av rundballar.
Helga den veka var Deb og Callie på South Dakota State Fair. Callie hadde kvalifisert seg i diverse kategoriar, so dei tok turen. State Fair går føre seg i Huron, som er nesten heilt i andre enden av South Dakota.

1.september var Labor Day. Det er som vår 1.mai, men dei fleste butikkane var opne (men ikkje postkontoret…). Denne dagen var eg det næraste eg har vore å forsove meg dette året. Vakna 5 minutt før eg skulle byrje arbeide. Trudde eg… For når eg kom stressande opp kl 7, so fekk eg beskjed om at eg hadde fri. Men ikkje so gale at det ikkje er godt for noko; fekk tid til litt internett, før eg for til Newell. Der hadde dei ein parade. Liknande som 4.juli-paraden i Belle Fourche, men langt i frå so fancy. Endå mindre fancy er sjølve staden, som ligg vel 20 miles austom her. Newell ser rett og slett sliten og trist ut.
So tok eg turen til Sturgis, via vegen som går forbi Bear Butte. Eit lite fjell som er ein heilag stad for indianarane. I Sturgis hadde det vore ’Mustang Rally’ (Ford Mustang utstilling/treff) denne helga. Denne dagen skulle det vere race. Det visste seg å ikkje vere store greiene. Men eg fekk sett litt fine bilar og høyrt noko gromlyd. Dei fleste hadde nok reist heim, for hovudutstillinga (The Show&Shine) var på laurdag.
Fridagane må utnyttast til det fulle, so når vêret var nokså ’tusje’ so vart det shopping i Rapid City. Litt forandringar må ha skjedd dette året, for eg kjøpte meg ei rosa t-skjorte…!

Dei har noko slåttemark eit godt stykke frå garden her. Tok meg 1 ½ time å køyre traktor&presse dit. Men iallfall; eit par dagar var eg med Craig dit å henta rundballar. Han lasta dei på semitraileren, med Bobcat`n. Trur det vart 26 på eit lass. Traileren er med rette merka med ’Oversize Load’-skilt.

Halvanna dag gjekk med til å hermetisere fersken. Deb hadde kjøpt fire 50 lbs-kasser (22,5 kg) med fersken, so no skulle dei ha nok for ei ri… Og når et dei oftast hermetisert fersken? Til frukost!

Laurdag 6.september behandla me kalvar. Kalvane etter dei registrerte (stambokførte) kyrne vart vege, fekk 2 vaksiner og flugemiddel.
Kyrne vart skilt frå kalvane og sortert etter kjønnet på kalven. Kvige- og oksekalvane vart sleppt i kvar sine innhegningar.
Min jobb medan me behandla dei var å få dei til å gå opp gangen til vekta. Etter at dei er vegne går dei inn i fangbåsen og får vaksinane og ein sprut med flugemiddel. Dei fleste kalvane vog mellom 400-600 lbs, i kilo vert det ca 180-270. Denne vekta, etter korrigeringar, vert brukt som 205-dagars vekt.

Dagen etter kom Chandy, om er dyrlege, og tok ultralyd på kvigene. Eg trur det er første gongen dei har brukt ultralyd på kyrne, men dei ville gjerne få greie på om nokon av kvigene venta tvillingar. I vinter mista dei kalvane etter kvigene som fekk tvillingar, so dei ville vere betre forberedt. Eg trur ikkje ultralyden viste nokon tvillingar, men det var 3 kviger som var tom.
Det var kult å få sjå nokre av bilda på skjermen. Nokre av gongene kunne ho sjå at det var ein oksekalv.
Chandy er frå ein av ”naboranchane”. Faren heiter Chance, og mora Cindy. Lurer på kven ho er oppattkalla etter ;p

I byrjinga av september såg det ut til at hausten var i full gang. Den dagen me behandla kalvar måtte eg til med termojakka. Den har ikkje vore i bruk sidan juni. Men nokre dagar etter at Norgesbesøket kom so vart det go`vêr igjen. Litt rart å sjå blada på trea byrje gå over i haustfarger samtidig som det er t-skjortevêr. Dei driv med 3.slåtten her no, og det er oktober… men so kan dei jo dyrke mais her!

11.september hadde me ”the big sheep trail”. Då førte me ca 700 sau ca 17 miles (ca 27 km), med hest. Mesteparten av turen gjekk på ein grusveg med gjerder på begge sider av vegen, so det var ein heilt grei tur. Utfordringa vart å få frakta 3 køyrety etter, samtidig som nokon førte sauane. So det vart fram og tilbake nokre gonger, sidan me var 3 personar. Grunnen til alle køyretya var at eg hadde med bilen min, slik at eg kunne få komme meg avgårde so snart me var ferdig. For det var jo dagen då Norgesbesøket skulle komme!
Fekk god tid til ein dusj og eit par ærend for Deb i Rapid City, før eg drog på flyplassen. Utruleg godt å sjå mamma, pappa, Roy Sivert og Marita igjen! Håpar det vert einaste gongen det går 7 månader mellom kvar gong eg ser dei!

Måtte jobbe på fredagen. Då behandla me resten av kalvane; dei som ikkje er etter registrerte kyr. Same prosedyre som med dei andre kalvane. Men i denne pulja var alle oksekalvane kastrert.

Litt om dei neste dagane finn du i innlegget frå 15.september.

Dagen etter det innlegget køyrde me gjennom Badlands National Park. Det var nesten som å køyre på månen (reklama påstår iallfall det). Ganske spesielt landskap med andre ord.
På kvelden drog eg opp til ranchen igjen, sidan eg skulle byrje jobbe tidleg på onsdagsmorgonen.
No skulle alle sauane me førte den 11. sorterast . Kategoriane var: søyelam, whethers (kastrerte bækrelam), pee-wees (blålam), søyer.
Alle lamma so skulle seljast fekk isett kvitt øyremerke.

Torsdag var me nordmennene invitert til ranchen til Glen Riley, ein kjenning av vertsfamilien min. Han har tipi-ringar og eit dinosaurskjelett på eigedommen sin.
Indianarane brukte legge steinar rundt kanten på tipiane (telta/lavvoane) sine. Når dei tok ned tipiane for å reise vidare velta dei berre av steinane, slik at dei vart liggande i ein ring, slik som tipien. I beitet til Riley er det 44 tipiringar. Det skal visst vere den største indianarlandsbyen dei har funne rundt éi vasskjelde, i Nord-Amerika. Dette området var truleg vinterplassen deira. Det var god tilgang til brensel og vasskjelde som ikkje fraus.
Dinosaurskjelettet er ikkje grove fram, so ein ser ikkje dinosauren i den forstand. Men ein fann rimeleg enkelt fragment frå skjelettet. Glen Riley hadde funne nokre bein ein gong. Og lagt dei på ein stein der. Men nokre jegerar hadde stjelt dei…
Det var og eit dinosaurskjelett på ranchen til sonen til Glen Riley. Den er grove fram. Me fekk sjå nokre av desse beina, i garasjen til Glen.

Etter lunsj i lag med Glen i Belle Fourche drog me til sauesalget i Newell. Me kom akkurat i tide til å sjå lamma til Bar 69 verte seld. Huskar ikkje kva dei gjekk for, men veit dei var godt fornøgd med gjennomsnittsvekta. Trur den var 96 lbs, altså ca 43 kg. Dette var lam fødd i mai.
Etter litt avslapping i leiligheta me lånte i Spearfish køyrde dei meg opp til ranchen.

For fredag og laurdag var det jobbing igjen.
Fredag behandla me søyelamma og åringane. Lamme fekk 2 vaksiner, makkmiddel og øyremerke. Åringane fekk berre makkmiddel. Ein av mine jobbar var å telje alle saman, men no hugsar eg ikkje kor mange det var… men nokre hundre var det.
Utpå laurdagen kom mamma, pappa, bror og Marita opp til ranchen.

Når eg var ferdig i kveldinga rasa me til Spearfish og pakka litt. For me ville få med oss folkelivet i Deadwood. Men der var ALLE hotell full, i ”nabobygda” Lead likeså. So då vart det hotell i Sturgis ei natt, før me prøvde oss i Deadwood igjen. Deadwood er nesten som eit lite Las Vegas. Det er iallfall mykje speleautomatar der. Eg er nok ikkje ein typisk besøkande i byen; eg slutta å spele når eg hadde 37 dollar i nettogevinst :)

Etter tips frå Glen Riley sette me kursen mot Devil`s Tower, i Wyoming, på måndag. Devil`s Tower er (også) ein heilag stad for indianarane. I trea rundt foten av ”fjellet” hang det tøyremser. Det var visst såkalla ’prayer cloths’, kan vel oversettjast til bønnetøy.

Lunsjen denne dagen var meir som ein opplevelse. Kokken kom køyrande på traktor og slengte på seg eit skittent forkle før han tok opp bestilling frå oss. Forutan oss var det berre ein gjest til der. Han fekk forklaring på kor ho stod bak baren, då han spurte etter ei øl.
På veg tilbake til Spearfish køyrde me gjennom fleire små plassar. Generelt kan ein vel seie at det er fleire skrotnissar her enn heime.

Onsdag kveld møtte me Craig, Deb og Callie på ein restaurant for middag. Då me parkerte ved restauranten kom St.Bernhardshunden frå nabohuset og helsa på oss. Har sansen for den rasa altså :)

Torsdag ”flytta” me til Rapid City. Dit måtte me køyre i to vendingar. Vart ein del shopping kan du seie, i tillegg til at dei skulle ta med litt saker for meg. På kvelden køyrde bror og eg race-kart. Det var gode greier! Plassen me for til hadde både go-kart og race-kart. Me spurde kva som var forskjellen, og det var farta. So me tok det som gjekk fortast :)
Som sagt var det grusomt å seie hade på laurdag. Me hadde det veldig kjekt i lag! Eg har komme i vanleg modus igjen no, men det har vore nokre tunge dagar følelsesmessig no. Men det er ikkje utan grunn eg påstår eg er evig optimist. Det endar vel opp med at ikkje får tid til alt eg har tenkt før eg skal reise :)
Eg er frykteleg glad for at besøket kom no på slutten av opphaldet. Det hadde vore enda tyngre å vite at eg hadde fleire månader igjen her før eg fekk treft folket igjen.

Byrja å jobbe igjen på søndag. Fekk ein fin oppstart etter ferien, med rundballeflytting, pressing av rundball og sjekking av sau.
Sauane er slepne på eit beite der kyrne har gått før dei. Derfor er det veldig opptrakka rundt vatna på beitet. Det gjer at sauane kan setje seg fast. So då må me køyre ut og sjekke dei. Forholda er ein del større enn heime kan ein seie, berre frå ranchen og til det beitet der dei er er det fleire kilometer. Eg nullstilte trip-teljaren, for eg tenkte eg skulle fortelje dere kor langt det var, men no har eg gløymt kva den viste. Eg fann ingen sauar fast verken på søndag eller måndag, men på fredag hadde Cliff måtte dra opp 4 stk.

Måndag var ikkje so frykteleg spanande, forutan sauesjekkinga.
Tysdag lempa me 4kantballar inn på to av løene. Craig lempa ballane på ei transportkjede, eg drog dei frå enden av kjeda/bandet til dit Cliff stabla dei. Grei måte og få litt musklar på :)

Onsdag reparerte eg litt gjerde i lag med Cliff. Etter lunsj var det tid for å sjekke sauer igjen. Denne dagen stod 1 lam fast, men det gjekk greitt å få det opp. Eg hadde og med saltblokker og mineral som kyrne i eit anna beite skulle få. Dette beitet har 4 stader der det vert sett ut mineral&salt. So denne dagen vart det mange miles ute på prærien, for det meste i ca 15 km/t. Bra det er mykje country på radioen!

I dag har eg køyrt F-600 (lastebilen) nesten heile dagen. Cliff lastar på rundballane og eg køyrer og dumpar dei der dei skal stablast. Andre ”spanande” gjeremål i dag har vore plenklipping, raking og epleplukking.

No får eg stoppe! Er vel måte på kor interessant alt eg har skreve er, men no er de iallfall oppdatert :) Det vert utan bilete denne gongen, men det får eg ta igjen ein annan gong.

Gjekk nokre dagar før eg oppdaga at linken til Rita sin blogg mangla ein bokstav… So visst nokon trykte på den, og kom på ei bibelside av noko slag, so var det som var grunnen :)

See you later, alligator! Pretty soon, Baboon!

Hei folkens!

noreply@blogger.com (Solrunn) — Sun, 28 Sep 2008 03:10:00 +0000

Laurdagskveld her no, og Norgesbesøket er reist…. Grusomt var det; å ”sende dei heim att”. Det har vore storsvert å ha dei her!
Men det er faktisk berre nokre få veker igjen av arbeidsperioden min no. 7, for å vere eksakt.
Og då har eg eit par-tre dagar på å pakke&slik, før Rune kjem. Og då vert ca 3 vekers roadtrip. Det bli konge!

10.desember letta me frå Rapid City og kjem flygande over dammen! Slik ca i halv fire tida torsdag 11.desember kan eg sette føtene mine på norsk jord igjen! Plana er å køyre oppover. Gler meg til å sjå Norge igjen! Men er vel temmeleg sletne når me kjem til Oslo, so spørst om det vert 12. før eg pustar inn fresk frensk sjøluft.
For de som skjønnar kva eg meiner no: tenk kor det bli å komme rundt Malmekleiva denne gongen!

Er mykje eg kunne skreve no. Har jo vore dårleg med oppdateringar her siste månaden. Men det får bli ein annan dag, når konsentrasjonen er meir tilstades…
Dette er ein av dei dagane ein lurer på kva ein gjer på andre sida av jorda når ein kunne vore heime i Fræna…

Før de veit ordet av det er eg der igjen! Og då vert de ikkje so lett kvitt meg igjen!

Norgesbesøk !!!

noreply@blogger.com (Solrunn) — Tue, 16 Sep 2008 01:50:00 +0000

Mamma, pappa, Roy Sivert og Marita kom velberga fram på torsdag kveld, etter litt forsinkelsar. Trøytt og klar var dei, so det barst rett i seng når me kom fram til "innkvarteringa" i Spearfish.

Fredag jobba eg ca halv dag. Etter det drog me til farmen, der eg bur og henta litt klede&slik. Og ei omvisning vart det jo så klart.
Laurdag morgon tok me laust ut på tur. Me køyrde Spearfish Canyon, til Deadwood. So då fekk dei sett litt westernby :) Natta tilbrakte me i Hill City.
Søndag vart det Mount Rushmore, Crazy Horse Monumentet og Custer State Park. I Custer State Park fekk me sett mykje buffalo. Og det var ganske kult :) Denne natta tilbrakte me i Keystone.
Hill City og Keystone ligg ikkje mange kilometera frå kvarandre, men me køyrde på ein måte i runding.
I dag køyrde me mot Rapid City og var innom Cosmos Mystery Area først. Det var eit ganske spesielt område, der naturlovane vart sett på prøve. Vateren viser at det er plant, men likevel vert den lågaste personen høgast...og fleire andre rarietar.
So vart stopp i Bear Country, so då fekk Marita sett mange store, fine bjørnar :)

I ettermiddag kom me til Wall, ein by øst for Rapid City. Den er kjent for Wall Drug Store og 'free ice water'. Her vart det boots på både Roy Sivert og Marita. Og fann ut at eg kan skifte ut spenna på begge belta mine eg har kjøpt tidlegare. So no kan eg kjøpe meg stor 'buckle' ;)

Det vert ikkje so seint på kveld før me er modne for senga, og dermed står me opp tidleg og. Men no er resten av gjengen klar for å gå på saloon, so kanskje det vert litt seinare i kveld? Var forresten innom ein saloon i byen Custer. Der hadde dei sagma på golvet, men ikkje kaffi...

Verden er ikkje bestandig so stor. For i dag traff me ei dame frå Elnesvågen!! Budd andre stadar i Noreg sidan 1974, men kva er likevel sjansen for å treffe ein frening i 'junaiten'!!!

Send meir peng! Mange 'giftshops' vettu ;)

Kool Deadwood Nights

noreply@blogger.com (Solrunn) — Mon, 25 Aug 2008 03:27:00 +0000

Har sett MANGE fine bilar i dag! Favoritten er jo, og blir, Ford F-100. Men det var og fleire lekre Chevrolet Bel Air og Ford Mustang :)
Her er nokre bilete. Dei får tale for seg sjølv.

Her er ein av oksane fanga, på laurdag. Cliff til venstre.

Maynard og Smokie klemmer litt :) Smokie til høgre, eg rei han fredag. Maynard til venstre, eg rei han laurdag då dette vart teke.

Har eg nemnt at alle postkasser, eller altså postbokser, ser slik ut? Dette biletet er teke på veg til Whitewood. Køyrde dit etter at eg var i Deadwood i dag. Whitewood var ein liten plass med bensinstasjon/matbutikk, resturant, arbeidskledesjappe og casino/sjølvbetjent vaskeri.

Dette skiltet møter du om du køyrer inn til Belle Fourche via US Highway 212.

Slik ligg gjerne Ash når ho køyrer pickup…

Mykje bilete og lite tekst denne gongen. Det gjenspeglar vel gjerne dagen min i dag: mange synsinntrykk :)

Biler og okser

noreply@blogger.com (Solrunn) — Sun, 24 Aug 2008 13:12:00 +0000

Gratulerer med dagen Eden Marie! Og gratulere med overstaatt til Torstein!

Heilt fri i dag og, men har staatt opp til vanleg tid. For eg skal til Deadwood paa bilparade/utstilling! Og paraden byrjar klokka ni. Rekna med det vert mykje lekkert aa sjaa :)

I gaar og foerdagen henta me inn oksane som har gaatt i lag med kyrne. Kyrne har gaatt i mindre flokkar rundt om paa forskjellege beiter.
Det me har gjort er aa hente inn kyrne til eit hjorne i beitet. Der har me sett opp ei lita innhegning og faatt oksen inn der, og lasta han paa hestehengaren. Det gaar forresten vegar i alle beita, slik at me kan koyre ut der med pickup&hengar. Og so har me flytta kyrne til eitt beite, slik at dei er samla no. Ikkje alt har gaat like knirkefritt, men alt har gaatt bra til slutt :)
Det har vorte mykje ridning dei to siste dagane, so raua er litt saar :p

Men no er det paa tide aa komme seg avgaarde!

Slik går no dagane

noreply@blogger.com (Solrunn) — Thu, 21 Aug 2008 03:46:00 +0000

Fridagen min på søndag vart ein skikkeleg sløvedag. Utanom brødbaking og ein snartur til Spearfish på kvelden for å sjekke om dei hadde brunost på Safeway, so var det berre internett og avslapping. Men hadde fleire kjekke samtala på msn då, sidan eg var pålogga når det byrja å bli kveld i Norge :)

Måndag gjor eg litt småjobbar her heime, før Cliff og eg reparerte gjerde etter lunsj. Elva hadde vaska vekk gjerdet på eit langt strekke, og første biten gjorde me altså på måndag. Resten brukte me heile tysdagen på. Det er stort sett Cliff som er sjåfør når me er ute på ”oppdrag”; han køyrer, eg søv ;)

Her er det piggtråd det går i når me gjerdar. Somme plassar er det firkantnot med ein toppstreng over, men mest er det 4 eller 5 høgder med piggtråd. Eg har vel rett når eg seier at det ikkje er lov å bruke piggtråd lenger i Norge?

I dag, onsdag, er det høy det har gått i. Etter morgonfôringa lempa me firkantballane på ei attlege her, på pickup og hengar. Dvs jenta fekk køyrejobben… Etterpå barst det opp til ranchen med lasta. Etter lunsj var det litt meir lemping av firkantballar, deretter flytta me rundballar. Cliff lasta dei på F-600`n, medan eg køyrde og dumpa dei der dei skal ”stakkast”.

Varmt! i dag! I alle fall å setje seg inn i lastebilen som har svart ”skinn”sete. Den svarte gummien på rattet smitta av, samtidig som svetten sila, so eg såg vel mest ut som ein feiar etter kvart i fjeset. Eg har eigentleg ingen gradestokkar å kike på, men meldingane har sagt 30-34 grader celsius i det siste. Men i helga skal det visstnok bli ned mot 24 grader, meir passande det syns eg :)

I morgon skal me opp til ranchen og vere der nokre dagar (til over helga?). So då vert det forhåpentlegvis litt ridning på meg, byrjar å bli ei ri sidan sist no.

Glemte å seie at det var traktorpulling på ”the fair”, so no har eg fått sett det og. Det var noko tull med programmet, so det var ingen speaker der. Derfor veit eg ikkje noko om vektene og slik. Men her er iallfall eit bilete av ein ekvipasje. Traktorane dei hadde var m.a. Case, Allis-Chalmers og International og McCormick.

Katten Sunrise fekk kattungar igjen denne veka, 6 stk denne gongen. I går fann eg ein annan av kattane død ute i rødløa. Ash, eine hunden, har fått skulda for den ugjerninga.

På Ruby place spankulerar det påfuglar rundt heile tida. Her er nokre fjør eg plukka opp og foreviga. Det er berre ein gong eg har sett fjørpynten ”oppslått”, men det var bakfrå so fekk ikkje sett det på ”ordentleg”.

Her er bekrane lykkelege over å få nytt høy. Eine bekren hadde ei dårleg auge, so han vart halden heime etter at han fekk ei antibiotikasprøyte i augeeplet. Dei to andre er tilfeldig valde ”selskapsherrer”.

Her har me sett opp ny fôrhekk til sauane. Tidlegare fekk dei ein firkantball kvart mål, inne i løa. So no slepp eg å styre med den, og heller sørgje for at dei når tak i rundballen.

I morgon skal alle kastratkalvane seljast på auksjon. Dei går sjølvsagt ute på beite i lag med mamma`n sin endå, men dei vart filma i juli. Det er eit stort opplegg i Sheridan, Wyoming denne veka. Salskatalogen er tjukk som ein Ellos-katalog. Auksjonane vert sendt på fjernsynet. Kalvane frå kvar produsent har ei estimert gjennomsnittsvekt, som er vekta kjøparane byr på. Dei betalar pr pound. Dei betalar 3 % no, og resten når kalvane vert levert. Kalvane herifrå skal leverast i oktober. Dersom den faktiske vekta avvik frå den estimerte forandrar prisen seg, men det vart litt for innvikla for meg til at eg huskar det. Eg trur kastratkalvane herifrå er estimert til 590 pound.

Fekk akkurat no telefon frå Ken&Renee, foreldra til Josh som eg vart litt kjent med. Denne helga er det bilutstilling og konsertar i Deadwood. So dei lurte på om eg hadde lyst å vere med. Men spørs om det går sidan plana er å vere oppe på ranchen i helga...men er jo råd å spør... Det hadde vore fole artig iallfall! Mykje gamle amerikanera...svere greier :)

Fair og brødbaking

noreply@blogger.com (Solrunn) — Sun, 17 Aug 2008 21:03:00 +0000

Gratulere med overstått til Karoline :)

Denne veka har Butte-Lawrence County Fair pågått, frå tirsdag til laurdag.
Eg var der ein tur både onsdag, torsdag og fredag.
Det er utstillingar av alt det folk har levert inn til bedømmelse. Som til dømes bakverk, grønsaker, handarbeid osv osv.
Callie fekk Best in show i grønsaker for vannmelonen sin. Og Deb fekk Best in show i fotografi for eit bilde av Callie og fjelløva som vart skoten her i vår. Callie vann òg kategorien raraste grønnsak. Det er den doble cantaloupen du ser midt i biletet. Kjempegod melon forresten. Er den å få i norske butikkar? Håpar det :)

Ungane viste dyra sine for bedømmelse. Utstillingar av både sau, kjøttfe, mjølkekyr, kaninar, fjørfe og geit.

Og for dei so lure på kva Karianne gjer i USA leiande på ei geit...det er dobbeltgjengaren! Ho var skummelt lik frå somme vinklar.

Over ser du to av søstrene Habeck som viser mjølkekyr.

Fredagskvelden var det auksjon av nokre av dyra. Her er det ein kastrat som skal seljast.

Etter at eg skreiv forrige blogginnlegget drog eg til Spearfish på museum. High Plains Western Heritage Center. Der var det utstillingar av mellom anna utstoppa Longhorns (kurase), vogner, indianarting, og anna westernhistore. Ute hadde dei nokre Longhorn dyr og Buffaloar.

Her ser du korleis amerikanske myndigheter løyste "indianarproblemet". Dei slakta all buffaloen/bisonen (to namn på same dyr), slik at indianarane vart tvungne til å flytte til reservata.

I dag har eg heilt fri. Eg har hatt greit med fridagar dei siste vekene, men eg har alltid jobba litt på morgonen. So i dag var det første gongen på 2 mnd at eg kunne sove lenger enn til kl 06. So det utnytta eg :)
Har baka brød i dag. Tenkte dei måtte få smake skikkeleg brød. For her er det ikkje mykje grovt brød. Brøda vart bra og falt i smak. No manglar berre litt brunost :)

Når eg er ferdig å arbeide, i november, so kjem Rune (Kvammen,søskenbarn. red.anm.) bortover. Då vert det 'roadtrip'. Einaste som er fastsatt er Grand Canyon, Las Vegas og Los Angeles, og so den sjappa di Rune. Resten vert på sparket :)
I dag fekk eg sendt alle opplysningar til Kilroy, slik at dei kan forandre flybilletten min og booke Rune sin. So snart får eg ein dato for når eg kjem heim. Flybilletten min har hatt retur i oktober, sidan dei ikkje kunne betille langt nok fram i tid då eg bestilte den i desember. Merkeleg å tenkje på...at det er komme so langt at heimreisa må byrje å planleggast.. Og om 3 1/2 veke får eg besøk av mamma, pappa, Roy Sivert og Marita. Det vert stas! Og det skal bli godt med litt ferie.

Her er to bilete eg tok ein morgon eg måtte ut i beitet og hente inn ein sau som ikkje kom til fôring.

Ha det godt so lenge!

Endeleg... :)

noreply@blogger.com (Solrunn) — Sun, 10 Aug 2008 17:58:00 +0000

Jammen på tide med ei oppdatering no ja! Er oftast inne i åtte-ni-tida om kvelden, og då er ikkje kreativiteten på topp akkurat. Men no vert det nokre ord :)

Gratulere med overstått til Rune, onkel Eiliv, Åse Katrin, Anniken, Tone Beathe, Anette og Nils Arne!
Her i huset har både Callie og Craig hatt bursdag sidan sist. Callie vart 11, og Craig 54.

Både i dag og i går har eg fri etter at dei faste oppgåvene er gjort. I tillegg til at eg klipte litt plen i dag. Faste arbeidsoppgåver for tida er fôring av dyra som er her på farmen. Det er alle kopplamma og sauer med lam som ikkje egna seg ut på beite, to par ku/kalv, to kastratar og hestane. Hesten Chico fekk eit ekkelt salsår tidlegare i sommar, so me smør på han sink-oksyd dagleg. Knall rosa smørje faktisk!
Sidan sist har eg ridd to av hestane her som eg ikkje har ridd før. Smokie og Maynard (satsar på at det er slik namna stavast..). Likar begge to, men spesielt Maynard, so gler meg til å ri han meir.
Førre veke drukna eine kjeet i vasstrauet til hestane. Slik går det når ein er ei nysgjerrig lita geit som går ut på oppdagelsesferd åleine…
Her er eit anna eksempel på at geita er noko for seg sjølv ;)

Her rir eg Smokie, medan me flytter ein flokk sauer oppe ved ranchen. (Deb er fotografen)

Her er dei avhengig av å vatne attlegene om sommaren. Det skjer på fleire måtar. Ein del vert vatna med ein stor sjølvgåande vasspreiar. Den har motor, og kan gå 360° rundt. Men på grunn av elva so går den ikkje heilt i rundt der den står no. Det heng slangar ned langs heile konstruksjonen, i tillegg til at den sprutar ganske bra i eine enden.
Det vert òg brukt vatningsgrøfter. Til dømes går det ei grøft langs to av sidene på attlega heilt ved huset her. Grøfta vert oppdemt slik at vatnet kan gå inn på mindre grøfter som går innover attlega.

Den måten som eg har vore mest borti er vassrøyra. På strategiske plassar rundt attlegene er det tilkoblingspunkt for vatn. Derifrå legg me ut aluminiums- eller plastrøyr som har opningar som kan lukkast med luker. Det er to storleikar på røyra, 8 og 10 tommar i diameter. Lengda trur eg er rundt 10 meter. Det har vore ein del lemping og bæring av desse røyra. For det er ikkje nok røyr til alle plassane som skal vatnast, so me flyttar dei rundt rett som det er. Me lastar dei på ein hengar.

Her kan du sjå vasspreiaren, og maisåkeren. Dette er fôrmais, ikkje slik mais me kjøper i butikken. Dei ser vel likedan ut, men fôrmaisen er ikkje so søt som dem maisen me et.

Her ser du Craig og Cliff som legg på plass og sett i hop vassrøyr, medan eg køyrer lasta.

Her er det vassrøyr som er teke frå einannan og som me skal byrje å flytte/laste på hengaren.

Framleis pågår høyslåtten. Eg har stort sett flytta høyballar med pickup, men førre søndag køyrde eg pressa . So no har eg endeleg prøvd å køyrd rundballepresse! Kosa meg skikkeleg med å få køyre traktor, har ikkje vore all verden med det. Dagen før køyrde eg traktoren og pressa dit. Det tok ca halvanna time, so hadde god tid til å sjå alle motorsyklane på vegen. Graset eg balla er det eg har litt lyst å kalle præriegras. Det var iallfall ikkje noko blad på graset. Pressa fungerte bra medan eg køyrde heldigvis, men ein dag seinare var det tull med ho. Det var den dagen både pressa og slåmaskina streika. Men eg trur begge deler er i orden igjen no. Forresten ein John Deere 4040 traktor og John Deere 535 presse.

Slik flyttar eg høyballar. Dette er alfalfa-høy.

Her ser du deler av attlegene eg balja. Tingen i høgre hjørnet er "panelet" for pressa.

Søndagen for to veker sidan køyrde eg Black Hills / Spearfish Canyon Scenic Byway. Det var nesten som å komme heim. Eit heilt anna landskap enn her eg bur, sjølv om vegen byrjar under 3 mil herifrå. Mykje skog, mest tolle, men og litt lauvtre. Canyon betyr juv, so det var høge (iallfall til her å vere) bergveggar på begge sider av vegen tidvis. Ved enden tok eg av og køyrde halvanna kilometer, til Roughlock Falls. Det var idyllisk plass det. Ei lita elv renn gjennom eit område der dei har ordna til for turistane, med bord & slikt, og treplattar ein kan sitte på og dingle med fotane i elva.
Plana då eg køyrde heimafrå var å rekke ein rodeo i Deadwood. Men eg stoppa for å kike og ta bilete litt for ofte, so rodeoen var over då eg kom til Deadwood. So det vart litt gatevandring i staden for. Kjøpte meg belte med namnet mitt inntrykt, so no var eg klar for å gå på dans meinte Craig. Endå manglar eg eit belte med stor ”buckle”, men det blir ;)
Når me først er inne på handling, so har eg investert i westernboots som eg brukar når eg rir. So no byrjar stilen å komme på plass, hehe.

Bilde frå Black Hills National Forest / Spearfish Canyon:

Måtte ta med eit bilete der bilen min var med. So har dere sett den òg :)

Bursdagen til Åse Katrin ”feira” eg ved å vere med på 4H-møte. Det vart halde hos familien Habeck, som har oppimot 300 mjølkekyr. Eldstedattera, Jessica (19), gav meg omvisning. So eg hadde ein kjekk ettermiddag der 
Dei brukar ikkje beite, dyra går heilt i nærleiken av fjøsen. Mjølkestallen dei har er ein 4x2 tandem. Kyrne vert mjølka 3 gonger i døgnet, og kvar mjølking tek ca 5 timar. Dei har 3 ansette som mjølkar, i turnus slik at det er ein som har fri til ei kvar tid. I tillegg har dei ein som er ansvarleg for fôringa. Dei fôrar fullfôr, og kyrne er gruppert etter avdrått.
Kalvane bur i enkeltiglooar. Kalvane vart det einaste eg tok bilete av. Eg satsar på at eg skal tilbake dit seinare, so då får eg ta meir.

Kalveigloo

Mjølka får dei i bøtte på sida inni iglooen (luke på sida). Du kan så vidt sjå ei svart bøtte.

For godt og vel to veker sidan fekk eg ein forsmak på kva me ska gjere medan Norgesbesøket mitt er her i september. Då tok me inn alle sauane som lamma i mars og sorterte ut alle ”bekrelamma” (som ikkje er bekrar egentleg, sidan ”ekstrautstyret” manglar). Desse vart seld på auksjon neste dag, i Newell. Der er det sauesalg (auksjon) kvar torsdag. Auksjonariusen var ikkje like imponerande her som på oksesalget, men er framleis fascinert av ”pratinga” deira. Folket sett på tribuner,rundt salgsringen (manesjen). Dyra vert slept inn i eine enden, i flokkar, og slept ut i andre enden når budgjevinga er over.

Lamma frå Bar 69 Ranch, 189 stk, gjekk for $ 1,06 pr pound. Grovt rekna: 10-11 kr pr kilo. Trur gjennomsnittsvekta på lamma var rundt 95 pound (42-43 kg). Eit par søyer med vom-i-skinn gjekk for $ 6.
I september skal lamma som vart fødde i mai seljast. Og då vert søyelamma òg sortert, for å finne ut kven dei skal behalde.

I går var eg med på ein ”bridal-shower”. Naboen til ranchen skal gifte seg i september. Han har forresten ’data’ opptil fleire av jentene som har vore her tidlegare. Dei som var på ’the bridal shower’ var kvinnfolk som kjenner brudeparet (men brudgommen var ikkje der). Først presenterte alle seg, so var det kake, før bruda pakka opp gåvene ho fekk. Det var mest huslege ting og slikt.

Neste veke er det tid for Butte and Lawrence County Fair. (Eg bur forresten i Butte County. ) Fair kan oversettjast til messe eller marknad. Og det er konkurransar/utstillingar i alt muleg rart. Dyr, baking, grønsaker, korn- og grasavlingar, handarbeid er nokre eksempel. Og desse er oppdelt i utruleg mange kategoriar! Eg får skrive meir om det etter messa.
Her i USA er det generelt meir individuell konkurranse, rangering og premiering enn i det norske samfunnet.

Tidlegare denne veka hadde 4H-klubben ein ’showmanship clinic’ her på farmen. Det vart gjeve demonstrasjonar på korleis dei skal vise dyra sine på ”the fair”. Dyra som vart vist her var kalv (både kjøttfe og mjølk), lam, kanin, fjørfe, hest og gris.
Ei av jentene som var her har besteforeldre på begge sider som stammar frå Norge. Ho huska ikkje kor i Norge dei var frå, men då ho forklarte bunaden til eine bestemora so kunne det høyrast ut som det muligens kunne vere ein Romsdalsbunad. Me avtalte og møtast ein gong, so eg kunne vise ho bilete av ein Romsdalsbunad. (Flaks for meg at dere putta eit bunadsbilete i albumen min ;) )

Denne veka har Sturgis Motorcycle Rally pågått. Det vert arrangert for 68. gong, og er visst verdens største motorsykkeltreff. So det har vore mykje motorsyklar å sjå langs vegane. Tok meg ein tur for å kike laurdagskvelden. Gjekk ein runde i hovudgata, og det minna meg litt om jazzen i Molde, berre at tema var motorsykkel. Mange salsboder, med mykje av det same. Kom over ein fancy Ford F-100, so då vart det litt biletetaking :) Elles ein del spesielle folk å sjå, underhaldning åt me d.

Førre veke oppdaga Deb at bekrane hadde full tilgang til beitet kor ein del av søyene gjekk, etter at elva hadde teke med seg ein del av gjerdet. Cliff og eg brukte 5 timar på å reparere det, rakk akkurat å bli ferdig før det vart mørkt. Nokre av bekrane gjekk i lag med søyene, dei vart sortert ut. Men ikkje alle nytta anledninga til dameselskap. So dagen etter måtte Deb og eg ut på bekrejakt. Me rei og me rei, i nesten 4 timar, utan hell. Men då me var nesten framme ved ranchen igjen fann eg dei!
Finn 11 feil…!

Fredag morgon oppdaga eg ein kvit flekk på eine pupillen min. Eg fekk den ikkje vekk, men den plaga meg ikkje, anna enn at ein kvit flekk på pupillen ikkje er normalen… Nemnte den til Deb ,so ho fiksa so eg fekk komme innom ein augedoktor. Ho fekk teke han vekk, og det såg visst ut som rusket var ein bit måling faktisk...

Har kjøpt meg mobiltelefon, kontantkortopplegg. Kjekt å ha når eg skal ut på tur. Kan ringe til Norge med den, men berre til fasttelefon etter det eg har erfart hittil.

Måtte berre ta med dette biletet. Det er ei åkersprøyte. Noko større enn dei eg er vant til å sjå heime... Dette er ved eit lite beite dei leiger i Spearfish. Han som eig det driv eit firma som sprøyter avlinger og slik. Han har fly og, som han brukar.
Eg syns doningen likna på noko Reodor Felgen kunne ha laga! ;)

Håper alle har det fint heime!

Innhaldsrik veke

noreply@blogger.com (Solrunn) — Thu, 10 Jul 2008 03:26:00 +0000

Den siste veka har det foregått litt av kvart faktisk.

Førre tysdag var Cliff og eg oppe på ranchen å reparerte gjerde. Hadde litt action like etter at me starta. Me høyrte ein rattlesnake (klapperslange), og den viste seg å vere rett ved gjerdet me skulle reparere. Cliff ordna opp i den saken, med ein spade. Rattlesnaken lagar lyd ved å riste på ”halen” sin (2 cm kanskje), som består av skjell, og er giftig.
Køyrde traktor denne dagen faktisk. Forutan ein liten prøvetur for nokre veker sidan so var dette første gongen eg har brukt traktor i arbeidet her. Det var ein International Farmall 544, og den hadde ei hydraulisk ”slegge” framme. Cliff styrte ”slegga”, som brukast når me skal sette ned nye trepålar.

Onsdag klipte eg rundt løene her med trådmaskin, og kosta rødløa. Det same gjorde eg på torsdag, fram til lunsj. Men etter det vart det ikkje so mykje arbeid på nokre dagar, berre litt fôring av lam.
Fekk fri torsdag ettermiddag, so då nytta eg anledning til å ta eit par telefonar til Noreg.
Etterpå drog eg til Belle Fourche og ”sulla” litt rundt før eg eigentleg skulle møte Cliff for å gå på tivoli. Han dukka aldri opp, men eg hadde det artig på tivoli likevel eg :)
Traff mellom anna Winona (som me låner salen min av), og ho sa eg kunne få salen! So det er meget mulig at eg kjem heim med ein westernsal :) Men eg vil sjølvsagt betale for den, det er den absolutt verdt
.
Torsdag starta årets Black Hills Roundup Rodeo (det er derfor det var tivoli..). Det er den årlege profesjonelle rodeoen her i Belle Fourche. Den er alltid i forbindelse med 4.juli-feiringa (nasjonaldagen). Her er det nasjonaldagsfeiringa som er den store fyrverkeridagen. På torsdagskvelden var det fyrverkerishow, som bystyret sørger for kvart år.
Etter at det var over møtte eg Erin og Josh, og foreldra til Josh; Ken og Renee, på ein uteplass; Cowboy Back Bar. Der var det ”kjåkfullt”. Hold meg til diet coke denne kvelden, dansa swing med Ken og ha det kjekt. Har savna å danse swing kjente eg :) Mor til Ken var forresten norsk, ho heitte Brekke til etternamn.

Fredagen, 4th of July, såg me på paraden i Belle Fourche. Det var omtrent som våre borgartog. Men det var mykje meir hestar, men so har hesten ein heilt annan plass i samfunnet her enn heime. Etter paraden måtte eg heim og lade opp kameraet mitt. Og so var det tid for rodeo, kosa meg stort der.
Øvelsane var bareback riding, team roping, steer wrestling, saddle bronc riding, tie-down roping, barrel racing og bull riding.
Chase fekk 71 poeng i saddle bronc riding, men er ikkje sikker på kva plassering det gav. Trur det var slik at dei beste frå torsdag og fredag rei finale på laurdag.

Bareback riding: dei rir hesten utan sal. Men den har ein gjord med handtak på seg. Det er om og gjere å halde seg på i 8 sekund, samstundes som dei får poeng for stilen. Mellom anna må handa dei ikkje held seg fast med vere høgt nok opp i lufta.
Det same gjeld i saddle bronc riding, men der har dei sal på hesten og held seg fast i eit tau som er festa i grima på hesten. Maksimal poengsum er 100. I saddle bronc varierte poengsummane frå 65 til 85.

I team roping er dei to ryttarar. Den eine skal få tauet rundt halsen på steer`n, medan den andre skal få sitt rundt bakføtene. Denne øvelsen går på tid.
Det gjer og tie-down roping. Der skal ryttaren fange kalven med tau, hoppe av hesten og legge kalven i bakken, for so å knyte i hop tre av føtene.

Bull riding vert det same som bareback riding, berre at det, naturleg nok, er på ein okse. Av dei 17 som ridde okse denne dagen var det ingen som greide å halde seg på i 8 sekund, og dermed ingen som fekk poeng. Kvelden før var det visst 2 som hadde greid det.

Alle desse øvelsane er det berre mannfolka som deltek i.

Medan det i barrel racing er berre kvinnfolk. Der rir dei rundt tre tønner som står eit stykkje frå kvarandre, i trekant form, på tid. Dersom dei veltar ei tønne får dei tillagt tid, trur det var 5 sekund per tønne. Den raskaste tida denne dagen var 17.58 sekund.

Det meste av tida er det ein klovn som oppheld seg på banen og underheld. Under okseridinga stod han i ei tønne midt på banen og hadde på seg diverse hattar.

Etter rodeoen drog me på grilling til familien Peterson. Ungane der har vore her av og til, men no var dei på ferie hos bestemora i Oklahoma.

Laurdag føremiddag drog eg avgårde på ’camping’ i lag med Erin og Josh. Foreldra til Josh har ein liten ranch i Montana (i tillegg til hus i Belle Fourche). Og det var på ein av naboranchane me var. Den er ufatteleg stor: 82 000 acres! Gang med 4,046 so får du antal mål…!
I tillegg til oss var det fleire kompisar av Josh. Det var veldig fint der me campa. Det var ved det ein kallar ei ’butte’. Det er som eit lite fjell,eller landemerke kan ein vel seie. Det var tolleskog der, so det var nesten som å gå i ein norsk skog. Me var nede i ei grotte, det var tøft.
Me slo opp telta heilt attmed pickupane, so det var ikkje noko røff fjelltur akkurat, for å komme fram. Ein annan skilnad frå ein ”norsk telttur” var alle våpena. Alle karane hadde minst eit våpen med seg. Eg prøfte eit par skot med ei hagle.
Søndags morgon, før me reiste heim, var me på præriehund-jakt. Me køyrde rundt i ein pickup og dei skaut frå bilen. Eg var so trøytt at eg sovna i baksetet, sjølv om Josh skaut med hagle i setet framfor meg!

Præriehunden liknar ikkje på ein hund i det heile tatt. Namnet kjem av at dei bjeffar på eit vis. Dei er vel på storleik med ein liten kanin kanskje. Dei bur i hóler nede i jorda og skal visst vere artige å observere. Området dei har hólene sine vert kalla prairie dog towns, for dei er ganske konsentrert.

Måndag var det endeleg tid for seminaret vårt, gjennom utvekslingsprogrammet.
Cliff og eg køyrde til Buffalo, ca 1 times køyring nordover. Der møtte me 3 gutar som jobbar på ein ranch der. Ein frå Sveits og to frå Sør Afrika, veldig hyggelege karar. Alle fem køyrde i lag til Medora, North Dakota. Trur det tok 3-4 timar totalt herifrå. Me kom eit par timar før seminaret starta, so me besøkte eit museum og kika litt rundt.
På seminaret var me 2 jenter og 14 gutar. Ho andre jenta var fole triveleg, so me hadde det kjekt i lag. Ho er frå Australia, og jobbar på ein ranch i Flexville, Montana, mest med hestar.
Mellom seminaret og middagen gjekk Kate og eg på eit museum: North Dakota Cowboy Hall of Fame. Det var eit bra museum. Det var utstillingar som omhandla indianarhistorie, rodeo og nybyggarar. Og sjølvsagt ein ’Hall of Fame’. Det var eit par norske namn der, mellom anna Ole Solberg og Rasmus Jensen. Artig å sjå. Etter middagen var me på ein utandørs musikal, som var ganske bra.
Me reiste heim tysdags morgon, etter frokost.

I dag har eg, forutan å klipt plen, køyrd på plass rundballar. ’Artig åt me d’. Og som nemnt tidlegare: her brukast pickupen der traktoren gjerne vert brukt i Noreg. Brukte ein pickup med flatbed, med hydrauliske armar. Kan ta to ballar om gongen. Eg la rundballane i rekke, seinare skal dei stablast med den sjølvgåande lastaren eg har nemnt tidlegare.

Kontaktpersonen vår frå utvekslingsprogrammet var på visitt i dag. For å sjå om me hadde det bra og slik. Triveleg kar.

Storkosa meg for tida. Og snart vert det ein del riding igjen òg, so tida går fort om dagen.

Her kjem to bilete frå 4th of July paraden. Eg satt på fortauskanten, so bileta vart ikkje dei beste.
Hengaren bak pickupen var full av barnehageungar.

Miss Rodeo South Dakota vert kåra kvart år, under Black Hills Roundup.

Dei neste to bileta er frå campingturen.
Det første er frå der me hadde campen.
Det andre viser 'a butte' i solnedgang.

Det neste bildet er, som de sikkert skjønnar, frå Black Hills Roundup Rodeo. Dette er ein som rir saddle bronc.

Paa tide med ny oppdatering..

noreply@blogger.com (Solrunn) — Tue, 01 Jul 2008 04:35:00 +0000

Som planlagt drog eg til Bear Country på fridagen min. Området og talet på dyr der var ikkje so stort som eg hadde sett for meg, men fekk sett, mellom anna, Rocky Mountain Goat, buffalo, bjørn og bighorn sheep på runden min. Det var veldig varmt so alle dyra låg mest og døsa i skuggen.
Etterpå gjekk eg ein runde i ”babyland” og fekk sett søte bjørn- og ulveungar, mellom anna. Framleis varmt til dyra, men etter ein runde i suvenirbutikken hadde det skya over og dyra var meir aktiv, so då vart det ein runde til.

Og på veg rundt fekk eg plutseleg auge på eit stort skilt; House of Scandinavia. So då vart det ein tur innom der. Det er ein butikk der dei seljer diverse skandinaviske spesialitetar og suvenir. Uttrykket ’uff da’ og lutefisk er det som er mest framheva, frå Noreg. Eg fann meg TINE Ekte Geitost, og Wasa Havre knekkebrød, so eg har fått kosa meg med brunost og sylte. Det er nesten som godteri for meg :)

På veg tilbake køyrde eg forbi Reptile Gardens, og fann ut eg hadde tid til å stoppe der og. Og der fekk eg med meg både alligatorshow, slangeshow og litt av fugleshowet. Trudde eit fugleshow ville vere litt drygt, men det var det som var mest imponerande, berre synd eg ikkje fekk med meg heile. Klappa både alligatorunge og kjempeskilpadde.
Og Karianne; om du hadde vore der so hadde du nok vore dårleg i mange dagar etterpå, for det var eit utal med slangar utstilt i glassbur. Pluss froskar og krokodiller/alligatorar.

24.juni vart siste kyrne inseminert. Då vart og dei steriliserte oksane som har gått i lag med kyrne ’banded’. Det vil seie at dei fekk eit gummiband rundt pungen, so no vert dei også ’steers’ (kastratar).

Nokre dagar før viste det seg at bommen på salen eg har brukt var knekt. Prøvde eit par salar i løpet av dei neste dagane, men det var ikkje råd å få stigbøylane korte nok, so vart litt riding ”på tå”. Eg visste at eg hadde korte fotar (eller bein er vel det korrekte å seie..), men ikkje so korte..hehe.
Men då Winona, ein kjenning, kom å skulle hjelpe til ein dag tok ho med seg ein sal dei hadde. Og den passa perfekt
Den dagen Winona var her sorterte me ut dei som ikkje var inseminert og førte dei til ranchen. Dagen etterpå gav me dei lusemiddel før dei vart lasta og køyrt til eit beite dei leier i Spearfish. Dette er eit forholdsvis lite beite, so det gjev oksen gode odds ;)

Etter beitesleppet var eg med Deb og kika på 4hjulingar, dei lurer på å kjøpe ein til. Hadde ein artig episode med seljaren der: Deb gav meg veska og bilnøklane då ho skulle prøvekjøre 4hjuling og sa –”Don`t go to Vegas”, og seljaren sa noko slik som –”You know those kids”. Både Deb og eg tenkte nok det same, og ho spurte kor gammal han var; 24. So me hadde det rett festleg når me kunne fortelje at eg var gamlare enn han. Forresten mykje fine motorsyklar der, fekk nesten lyst til å ta lappen på flekken.

Førre måndag var me på ei ’branding’ hos ein ”nabo” (spørs korleis du definerar det; avstand eller talet på hus i mellom, store forhold vettu, hehe). Dei skulle eigentleg brennemerke kalvane då me hadde det store regnvêret og flommen, og sidan då hadde dei vokse seg for stor til at eg våga meg å ”wrestle”. Vaksinering var min jobb. Smakte eit par kalvetestiklar, det var i grunn god smak på dei. Det var forresten ein del unge cowboys der, so eg hadde litt av kvart å kike på, Christine ;)

Fredag flytta me ned frå ranchen, til farmen igjen. Framleis er det mjølkefôring av kopplam kvar dag, men om eit par dagar er det slutt (forutan ein etterslengar). Elles har eg klipt ein del gras dei siste dagane; plenar og rundt om.

Ed og Craig har slått ned ein del av graset på attlegene. Dei har ei sjølvgåande slåmaskin. Noko skal rundbaljast og noko skal bli små firkantballar, etter det eg har fått med meg. Og det er høy det er snakk om, for meste alfalfa.

Vêret har vore veldig fint i det siste , rett sommar no. Har ikkje særleg med termostatar å kike på, men trur temperaturen ofte har vore oppunder 30 grader Celsius. Det er mest praktisk å jobbe i bukse, so det er berre fjeset, nakken og underarmane som får skikkeleg farge.

Torsdag til laurdag er det stor rodeo i Belle Fourche: Black Hills Roundup. Deb har kjøpt billettar til fredagen; då skal Chase ri. So det vert spanande.
Deb og Callie reiste på familietreff i dag. Craig skulle og vere med, men det er trøbbel med vasspumpa oppe på ranchen, so han vart att.

Fredagen var Josh, ein som har jobba litt for dei tidlegare, og kjærasten hans, Erin, her og ridde i lag med oss og sorterte ut nokre kyr. På kvelden vart eg med dei, og foreldra til Josh, til Deadwood. Deadwood er ein noko spesiell by.

Historic Deadwood is a town known for its rough and tumble past. Gamblers and gunslingers like Wild Bill Hickok and Calamity Jane made legends for themselves on the tough and dusty streets. Sheriff Seth Bullock and Mayor E.B. Farnum tried to tame the town, but the outlaw spirit never really died.
With ongoing restoration Deadwood is being transformed back into that same frontier town that once drew hundreds of people in search of their fortune. The entire town is a registered National Historic Landmark where you`ll find plenty of Wild West fun for the whole family.

Restaureringa vert finansiert av casinoinntekter. Talet på barar er stort, og talet på speleautomatar endå større.
Det vart nokre drammar, og jacuzzi (boblebad) då me kom tilbake, med andre ord veldig seint, so laurdag var eg trøytt, med stor T, men Deb var veldig grei og gav meg ein lett dag.
Josh og Erin er her berre på ferie, dei bur i California. So dei reiser igjen over neste helg, men hadde det veldig kjekt i lag med dei. Muleg eg skal ut i lag med dei ein av kveldane under rodeoen. Det skal visst vere streeetdance og fyrverkeri torsdagskvelden, so det har eg tenkt å få med meg. Men bør sørge for å komme i seng litt tidlegare då, so eg ikkje dubbar av mens eg køyrar plenklippartraktor, eller liknande, hehe (ja, faktisk…).

No har eg vore her 4 ½ mnd; det er halve arbeidsperioden min det… So no kjennest det ikkje lenger veldig lenge til eg skal heim. På slutten av lamminga og ei tid framover var humøret ikkje det beste og heimlengselen litt større enn nødvendig, men siste vekene har eg kosa meg meir og meir. Byrjar nesten aa lure paa korleis eg skal faa tid til alt eg har lyst til :)
Og det er jo faktisk ikkje meir enn vel 2 mnd til eg får besøk! Har mykje idear for kva me kan finne på mens dere er her :)

Hade bra so lenge!

A.I.-ing and heat detecting

noreply@blogger.com (Solrunn) — Thu, 19 Jun 2008 03:33:00 +0000

= inseminering og brunstkontroll

Gratulere med overstått til Anders og Åshild! Gratulere på førehand til Pappa og Maria Therese! Og til lykke med dagen og framtida til brudeparet på Nonshaugen :)

I kveld og i morgon har eg fått fri. So no er eg nede på farmen, etter nesten to veker oppe på ranchen. Den ligg ca halvtimes køyring frå farmen.

Biletet viser ein del av beitet kyrne går på no.

Der oppe er det brunstsjekk og inseminering som har, og fortsett er, vore daglege gjeremål. Kyrne går ute på beite, og kvar morgon og kveld rir me og sjekkar om det er nokon som er i brunst.
Tidlegare har alle kyrne fått eit klistremerke på krysset, der overflata vert skrapa av dersom dei vert ridd. Omtrent som eit skrapelodd, i tillegg går det to steriliserte oksar i lag med dei. Oksane har ei grime med ein boks under kjeven, eller dispenser kan ein vel kalle det. Den er fylt med måling , slik at dei avsett farge på kyrne dei rir.

Her har eine oksen fått påfyll av måling.

Når me rir gjennom dei kikar me etter kyr med heilt avskrapa klistremerke eller, helst og, måling frå oksane. Første dagane inseminerte Craig i eine løa på ranchen. Då var det å ta med dei løtne kyrne dit. Det var litt av eit prosjekt eit par gonger! No har Craig ”oppsettet” sitt ute på beitet, so me treng ikkje føre dei so langt. Men beitet er stort nok til at cowgirl og hest kan få køyrt seg godt før kua er trygt forvart i ein garde.

Denne flokken med løtne kyr ga oss nokre utfordringar etterkvart...!
Slik ser det ut dit me fører kyrne og Craig inseminerar dei. Kyrne står inni kassa når dei vert inseminert, og utstyret vert oppbevart i hengaren.

Kyrne me tek inn om morgonen vert inseminert om kvelden, og omvendt. På søndag er første syklus over, og då må dei som ikkje har vorte insiminert eller ikkje teke seg, ta til takke med oksane som vert slept i lag med dei.

Her er eg på veg tilbake til ranchen ein kveld, etter brunstkontroll. Kvite 'prikken' litt til venstre er eit av uthusa.

Etter kvart som det har vorte ein del inseminerte kyr har me samla alle dyra i eit hjørne av beitet og skild ut dei som er inseminert. Dei må sjølvsagt ha med kalven sin, og førast i trygg avstand frå resten av flokken. Eg står stort sett vakt for å halde flokken i ro. Første gongen me skilde ut kyr var eg so trøytt at eg omtrent dubba av i salen, so no har eg prøvd det og…

På biletet leitar Deb etter mor&barn som kan skiljast ut og sendast avgarde på eit anna beite.

Begge puljane med kopplam er oppe på ranchen no. Denne veka har dei som framleis er på mjølk gått ned til to fôringar pr dag. 5 av dei er på smokkbøtte, og det likar eg J Det sparar noko tid i forhold til flaskene, som dei andre 13 får mjølk frå. Det var ei periode eg var dritlei av trasige lam som ikkje ville drikke ordentleg, men no er det berre kos med dei.

På laurdag brennemerka me dei siste kalvane. Dei var ute på beitet so då er det vanleg med dugnad; naboar og kjentfolk kjem og hjelper til. Me samla kalvane i ei innhegning. Nokre fangar kalvane med lasso (rope) frå hest, to og to held kvar sin kalv ’nedåt’ (wrestle), nokre brennemerkar, nokre kastrerar, og nokre (m.a. Solrunn) gjer vaksiner. Når me var ferdig var det lunsj og sosialt samvær. Kastreringa foregår ved at dei skjer av pungen, og dreg ut testiklane. Nokre vart stekt på brennjarna, vart ikkje at eg smakte, men såg det stod eit bøtte med ’balla’ i kjøleskåpen. Trur òg me skal av garde på eit par ’brandings’ i næraste framtid, so det vert vel sjansar til å smake :)

På biletet over sett i vaksine. Ed spruta på lusemiddel.

Biletet under er frå ei av brennemerkingane på ranchen.

Geita til Callie og kjea hennar går i lag med nokre ”junk”-sauer. Og ein ser tydeleg at dei to kjea er meir leikne enn lamma. Dei klatrar opp på det som er råd, og hoppar og sprett rundt.

Lilly, eine hunden, måtte til dyrlegen førre veke. Ho hadde vore i nærkontakt med eit ’porcupine’. Trur det er som eit stort piggsvin. Craig fekk ut mesteparten av piggane, men nokre satt att, so då fekk Lilly ei natt på veterinærklinikken.
Her er det forresten slik at dei bringer dyra, t.d. kyr og hestar, til klinikken. I motsetnad til heime, der dyrlegen reiser rundt.

Kaktus, det ser eg "overalt" på beita. Dei har ikkje blomstra endå, men det skal visst vere fine blomster.

For to veker sidan var det flom her. Belle Fourche River og andre elver flomma over. Det var fleire stengte vegar rundt om. Det regna mykje ein periode. Det er vel typisk; nordvestlending dreg til midtvesten og har høyrt dei slit med tørke, og so opplever ho den våtaste våren sidan dei byrja føre vêrstatistikk, i 1904 eller 1905. No er alle reservoara rundt om på beita full. Somme år har dei vore tom for vatn…

Callie sin ”hobby” for tida er å finne kattungar. Trur ho er oppe i 9 stk, men dei er foreløpig for vill til at nokon av dei er til å kose med. Søt er dei i allfall :)

Misforstått han, stakkar... Det ordna seg, han byrja å gå og då kolva fôrhekken.

Har ridd kvar dag dei siste to vekene. Syns det er veldig kjekt å kunne ri samtidig som ein gjer noko nyttig, ikkje ”berre” ri på tur. Det vert vel litt mindre riding når insemineringa er over, men trur nok Karina og Ljostra må belage seg på å avhjelpe litt abstinensar til vinteren :)
Bar 69 Ranch brukar hest til all flytting og slik av dyr. Trur nok det er det mest vanlege, men det er nokre som brukar 4hjuling i staden.

I morgon er plana å dra til ’Bear Country’. Det er ein ’drive through wildlife park’. Du kan altså køyre rundt i din eigen bil og sjå diverse ville dyr. Det skal vere mellom anna bjørn og ulv der. Og dei har ei eiga avdeling med innhegningar der ein kan sjå ungane til diverse artar.

Dei siste dagane har det vore fole varmt og fint vêr, so satsa på at det blir slik i morgon og..

See ya!

Cowgirl-fakte ;)

noreply@blogger.com (Solrunn) — Tue, 03 Jun 2008 12:31:00 +0000

No har dei fleste dyra komme ut på sommarbeite. Og det har betydd mykje ridning; rett cowgirljobbing med andre ord :)

På begge bileta her rir eg Cocoa. Han ridde eg første gong på fredag. Har ridd 3 forskjellege hestar til no, og alle har sine gode sider. Til dømes er Big Enough veldig lett å vende, Chico har ein fin rytme i travet og Cocoa kan ha eit raskt skritt. So er veldig greitt å veksle mellom dei. Eg brukar den same salen heile tida. For her har kvar person sin sal, ikkje kvar hest, som eg eigentleg er vant til.

Her er det eit lam som måtte vere med heim og verte kopplam. Det låg rett so roleg på salen min, trur nesten det sov ei stund og.

Behandla lam og sauer har me og gjort ein del av.

Først plukkar me ut alle lamma og gjer dei ormemiddel, insektmiddel og eit ”brand” med blå måling. Etterpå får alle søyene ormemiddel og insektmiddel i ”behandlingsgangen”.

Sauer og lam som ventar på behandling. Mannen i svart hatt er Craig, vertsfaren min. Han andre er Ken. Han jobbar her delar av året. Har flira så tårane har trilla av fleire av historiene hans!

Geita til Callie har fått kjea sine. Det kvite er eit bukkekje, medan det svarte er eit heinekje. Sauen er og Callie sin. Eller sau og sau; eg trur ho har gløymt at ho er det :)

Dei siste dagane har det stort sett vore sol og varmt. (Prøva å vare flink å smør meg med solkrem altså, mamma, men litt solbrent har eg no vorte lell). Men det har og vore noko regn og torevêr. Måndagen hagla det, samstundes som sola skein so vidt i gjennom og du kunne sjå ei regnbue. Tidlegare på dagen hadde det vore sol&varmt, og seinare lyna og tora det so ein trudde ein var på diskotek. Vêret kan altså ikkje seiast å vere einsformig.

Ein morgon eg kom ut låg det ein død vaskebjørn på plena. Antakeleg hundane som er skuldig der. Nokre dagar før såg eg ein levande vaskebjørn og. Har og sett ’bullsnake’. Den er ikkje giftig, og den et mus, so den ser dei gjerne at er rundt her. Ein gong vart kyrne me førte skremt av ein slange og sette av gårde. Då var det berre å vente til dei roa seg.Rett som det er ser eg påfugl. Har endå til gode å sjå fjørpynten oppslått på nært hold, men høyrer dei ofte nok. Dei høyrest ut som eit kvinnfolk som hyler eller ein katt som mjauar veldig høgt.Har måtte stoppa for kalkun og antilope på vegen. Unekteleg litt annleis enn heime :)

Drøymte om softis her ein dag det var ganske so varmt. Tilfeldigvis var eg ferdig tidleg den kvelden, so for til Dairy Queen og kjøpte meg is: softis med KitKat-sjokoladebitar. Er mange forskjellege tilsetningar å velje mellom, og kjem nok heilt sikkert til å prøve opptil fleire av dei :)Men tør ikkje tenkje på kaloriinnhaldet, hehe.

1.juni var det 1 år sidan eg var ferdig på HiNT… Nok eit bevis på at tida går fort!

Har kika litt på vêrmeldingane heime, og det ser ut til at dere har det rett so fint :)

Bilete i fleng

noreply@blogger.com (Solrunn) — Sun, 25 May 2008 08:47:00 +0000

Laurdag fekk eg fri. Drog til Rapid City og svidde av noko dollar.
Det første, men ikkje det siste, paret med boots vart innkjøpt. Mykje fint å få!

Åt på ein mongolsk resturant. Der plukka ein det ein ville ha av grønsaker, kjøtt, nudlar og saus, so stekte kokken det på ei stor "takke" i enden av buffeten. Nam nam!

I natt overnattar Cliff og eg hos vertsfamilien til Renata, den brasilianske jenta me har vorte kjent me.
I morgon skal me vere me i kyrkja, før me skal heim å behandle sauar&lam som skal sendast på beite.
Anna kyrkje dette, Hilde. So endå er det håp ;)

Her i Spearfish, (kor eg eigentleg skal sove no) er det eit supert trådlaust internett. So no nyttar eg anledninga til å legge ut nokre fleire bilete.

Her er nokre av sauene med lamma sine, utanfor lammeløa.

Merkelegaste kvilestillinga eg har sett...

Forrige helg kom Callie heim med ei skilpadde, etter ei helg i Ekalaka i Montana.
Det er ei 'paint turtle'. Ho låg på rygg ein dag eg kom inn, so då var eg snar å ta bilete.

Her ser du nokre kyr på tunet på ranchen (the north place / up north). Me var der å brennemerka kalvar på tirsdag.

Og her ser du korleis brennemerkinga foregår. Vanlegvis er det Craig som merkar, men han var ikkje riktig klar endå her.
Eg held halen, for dei som lurer på kva eg gjer bak der :)

Cliff og eg tidlegare i kveld, på mongolsk resturant i Rapid City.

Dei siste dagane har vore veldig rolege. Fått anledning til å sendt pakker ;)
So no er eg opplagt og klar for meir jobbing.
Seier det no, men kanskje ikkje i morgon.. For dette vert ei kort natt, men men..

Håpar alle har det bra der heime! Savner dere!

Æ Ø Å

noreply@blogger.com (Solrunn) — Sat, 24 May 2008 03:37:00 +0000

Jammen på tide med ei oppdatering her no. Og no har eg straumkonverter som verkar, so kan skrive på min eigen pc og då blir det litt lettare for dykk å lese. Det betyr og at eg kan ta bilete igjen, og den mulegheita har eg nytta til det fulle!

Dei siste vekene har vore veldig hektisk, men no har det roa seg. Sitt her midt på dagen og skriv, har ikkje heilt fri, men har ingenting anna å gjer. Det skuldast delvis eit fole til regnvêr som byrja i går.Muleg me skal avgårde å kike på bil til Cliff seinare i dag. Elles er det fôring av kopplam som står på programmet, av det eg veit.

Forrige veke køyrde eg pick-up og hengar med 9 kyr i, til ranchen. Tyngste lasta eg har køyrd, so det var ei grei erfaring å få. Craig hadde semitraileren fullasta, pluss at det var ei hengarlast til.Kalvane i denne bønsjen vart brennemerka på tysdag. Forøvrig ein veldig fin og varm dag.

Denne dagen hadde me besøk av ei jente frå Brasil som er utvekslingsstudent på high school i Spearfish (nabobyen). Cliff var veldig glad for å bli kjent med ho. Sjølv om engelsken hans har vorte mykje betre sidan han kom, so slit han med å forstå alt. På kvelden drog Renata, Cliff og eg ut og åt og på WalMart før me køyrde ho heim. WalMart er som ein gedigen Europrisbutikk, eller noko i den lei. Vart ein del handling på meg… fann meg mellom anna arbreidssko (som eg ikkje treng å bruke tjukke ullabbar i..), t-skjorter&labbar (slik at det kan gå lenger mellom kvar gong eg må huske å vaske klede ;P).

I forrige veke henta eg bilen min hos den veldig hyggelege mekanikaren dei brukar. Han nemnte på telefonen at batteriet på bilen var dårleg og at eg sikkert måtte skifte det snart. Då eg skulle ta laust derifrå var batteriet flatt. Han ringte til eit delefirma i Belle Fourche, dei kom med eit nytt batteri til garasjen hans og han skifta det. Snakk om service, og det heile kosta meg 55 $. Resten av reperasjonane han gjorde betalte eg 265 $ for. Han sveisa bunnpanna, fiksa bagasjeromsåpnaren og dørstopparen på førardøra, og hadde fått tak i ein liten plastdings til låsen på passasjerdøra. Med andre ord er han rett so rimeleg.

Han har ein hund som heiter Molly. Ho kan det kulaste trikset! Du seier ’bang’, og ho legg seg ned som ho vart skoten. Ho er sibirsk husky, med 1/16 ulv i seg.

17.mai vart nok ikkje feira so veldig av meg i år. Men i lunsjen var eg på nett å kika på bilete på rbnett.no, so litt stemning fekk eg med meg :)

18.mai fylte Deb 50 år, men heller ikkje den dagen vart feira so veldig. Dagen etter var foreldra til Craig her på middag og me hadde verdens beste iskake til dessert.

I går hadde Callie sin siste dag på skulen før sommarferien. Dei byrjar på igjen 25.august, so dei har ein del lenger sommarferie enn me har i Noreg. Men dei har også lengre skuledagar. Callie er på skulen frå 8.00 til 15.15. Ho skal byrje i ’6th grade’ til hausten.I går kveld var me på skuleavslutninga deira, på rec.centeret.
Forrige veke var me på konsert med alle elevane til Callie sin pianolærar.

Kveld her no, og det regnar som berre det endå. I ettermiddag var eg å henta ein storsekk kraftfôr, med eine pick-upen. Som sagt tidlegare; her vert det brukt pick-up til ting me i Noreg brukar traktor til. Har sett skuffande lite store traktorar. Møtte ei kolonne me lastebilar i dag som hadde korntreskarar lasta opp, flunkande nye John Deere treskarar.

Prøvde meg på ein ’drive through’ minibank her ein dag. Ikkje verst oppleving det. Her trur eg alle minibankane er ’drive through’, har endå ikkje sett ein på veggen slik me har det heime.

Dette biletet viser oss når me behandlar lam. Lamma får ein sprut med eit insektmiddel (UltraBoss), ormemiddel og eit blått merke: 69. Har ikkje heilt sansen for denne sauemålinga; grisete greier.Etterpå får søyene insektmiddel og ormemiddel, før dei vert lasta på semitraileren og køyrd på beite.

Her er eit bilete fraa lammeloa.

Biletet over er fraa daa me fertilitetstesta oksane. Knappen dyrlegen vrir paa regulerar straumstyrka oksen vert stimulert med..

Paa biletet under ser du noko av fangbaassystemet.

Det siste biletet viser nokre av innhegningane paa Ruby place. Loea du ser var den me brukte under lamminga i mars.

"samandrag"

noreply@blogger.com (Solrunn) — Tue, 13 May 2008 03:52:00 +0000

Gratulere med overstaatt til Bestefar, tante Svanhild og onkel Inge !

Kika gjennom dagboka for aa sjaa om eg hadde noko aa fortelje dere fraa den siste maanaden. Og litt er det jo :)

17.april hadde Bar 69 Angus Ranch sitt aarlege oksesalg.
Heilt sidan eg kom har alle landbruksavisene vore fulle av annonnser for alle ranchene sitt aarlege oksesalg. Dei foregaar enten paa ranchen eller paa ein 'livestock exchange'.
Deb og Craig hadde sitt paa Belle Fourche Livestock Exchange.
Dette var ei anledning daa eg kunne saga av venstrehanda mi for aa ha eit opplada digitalkamera... For aa hoyre pa auksjonariusen var ei oppleving i seg sjolv! Skulle gjerne ha hatt han paa film/opptak. Der gjekk tunga og munnen fort altsaa. Det var meir som ein mellomting mellom sang og "lydlaging", for det var ikkje berre rask prating.
Oksane deira gjekk for mellom 1200 - 4000 $. Gjennomsnittet var 2070 $. Dei solgte 45 stk, seinare har det vore folk her aa kjopt nokre. Totalt hadde dei 60 stk til salgs. Dette er oksar som gaar til avl, so i desse dagar byrjar vel ein del av dei paa jobben sin.
Snakka med ei dame fraa Montana paa salget. Besteforeldra hennar kom fraa Noreg, og familien hennar brukte framleis lutefisk, lefse og riskrem paa julaften :)

Eit par dagar etterpaa henta me inn dei sauane som driv aa lammar no. Dei gjekk paa eit beite paa andre sida av highwayen her. Dei skulle til 'Ruby place' so me maatte drive dei langs highwayen eit lite stykke, og det gjekk bra. Det var ei som sneik seg paa feil side av autovernet ein gong, men daa slo 'den frenske cowgirl' over i galopp og ordna opp ;p haha
Men foer me kom so langt maatte me dra opp to saue fraa grova inne paa beite. Kjekt med tau og hest daa.

Eit par dagar etterpaa vart sauane klipte. 4-5 klipparar brukte ein og ein halv dag.
Denne gongen jobba eg framfor hengaren, med aa bere vekk ullfellane fraa borda og koste vekk ruskeulla. Hadde god utsikt til staute mannfolk ;)
Kom paa aa laane kameraet til Deb den dagen so har ein del bilete (men kjem paa at me har ikkje lagt dei paa dataen endaa).

Sist eg loyste ut lonnssjekken min gjor eg det i ein 'drive through'-bank. Du la det du hadde i eit royr, som vart sendt inn. Minte meg om noko i Austin Power filmane.

Ein av kveldane me drog paa rodeo leverte me nokre oksar foerst.
Nok eit bevis paa at ein maa ta av fra interstate'n for aa verkeleg sjaa Usa. Mykje fin natur.
Mannen som skulle ha desse oksane driv med leasing av oksar.
Han var ein imponerande mann. Han har hatt kreft dei siste 6-7 aara, men staar paa som berre det. Men no skulle han slutte med leasing av oksar, for han ville trappe ned litt.
Han var verkeleg ein mann aa bli inspirert av!

Ellers har me brennemerka kalvar eit par gonger, trur me skal til igjen seinare i veka eller i neste veke.
Har faatt framkalla bilete fra ein av gongane, men har ikkje henta cd'en endaa (dei sendte inn negativane etter at eg henta bileta).

Bilen er paa verkstad og faar fiksa bunnpanna si og litt smaatteri. Har uansett ikkje tid til aa bruke den no. Dei fleste dagane denne veka har klokka vore over halv ti foer eg har vore inne om kvelden.

No er det som sagt lamming det gaar i. I dag fann sauane ut at dei skulle ta det litt rolegare, so no er det faktisk nokre ledige lammingsbingar. Loea har vore stappfull heile veka. Det har vore sauar "overalt".
Eg har faatt oppdraga med aa faa lamma til aa suge, i tilfeller der det har trengtes. Til doemes ved store spenar eller anna. So har faatt krangla mykje med trasige soeyer og dumme lam, hehe.
Men fole kjekt aa sjaa at det av og til loenne seg.
Har etterkvart drista meg til aa gje lamma med sonde (royr ned i magen) sjoelv, i stadenfor aa springe etter Deb, naar det trengst.
Foring av kopplam er ogsaa min jobb. Det varierar kor spanande det er, i gaar trur eg at eg dubba av nokre augenblink medan eg satt og gav dei flaske.

For aa unngaa det fleire gonger er det vel paa tide aa gaa aa leggje seg... :)

Veret her har vore heller daarleg i det siste. Ein god del regn, og noko sno. Det vert fole gjoermete her naar det regnar, so eg er temmeleg lei gjoerme! Men det skal visst verte fint ver utover veka.

Fekk straumkonverteren som eg bestilte paa nett, men den virka ikkje. Er liksom ikkje maate pa kor uflaks eg skal ha med den greia. Ringte i dag og dei skal sende meg ein ny ein. So no er det berre aa krysse fingrane for at det vert suksess denne gongen...

Rapport om jordbruksoppgjeret mottas med takk :)

Rodeo :)

noreply@blogger.com (Solrunn) — Mon, 05 May 2008 04:20:00 +0000

Maa no fortel at eg har vore paa rodeo!
Og det to kveldar paa rad. Forrige helg var det college rodeo i Spearfish og Rapid City. Chase, sonen her i huset deltok. Han rir saddle bronc. Me kom for seint til aa sjaa han paa fredagskvelden, men kjaeresten hadde det paa video. Paa laurdagskvelden datt han av, so det vart 'no score'. Han rei paa soendag og, daa vart det 2.plass.

Forutan saddle bronc, so var det bareback riding, breakaway roping, goat tying, steer wrestling, team roping, barrel racing og bull riding.
Skikkeleg artig! Mykje meir action enn ein fotballkamp.

Mamma; du treng ikkje sende ost, men kan godt ta med litt naar dykk kjem paa besok :)
Dei har vannski som dei brukar av og til om sommaren, paa ein innsjo her. So eg skal nok faa meg ein tur i aar og, sjoel om det ikkje vert paa Malmefjorden :)

Her hadde me skikkeleg snover foer helga. Vegar stengt og styr og greier.
Det samme veret hadde nok ikkje vore like gale i Noreg. Her har dei andre forutsetnader, som til doemes er det ikkje vanleg med piggdekk, utstrakt broeyting eller hus for alle dyra.

Gratulere med dagen til Elena!
Har kjopt gave, men tida faar vise naar det vert tid til aa komme seg paa postkontoret...

Natta :)

Hei hei :)

noreply@blogger.com (Solrunn) — Sun, 04 May 2008 04:12:00 +0000

Eg er i live, dersom nokon skulle byrje aa verte i tvil :)

Har vore mykje lange dagar siste tida. Er lenge sidan eg var inne foer klokka sju om kvelden sist, foelest iallfall slik. I dag avslutta me vel klokka ni, og so kjoerte eg heim to ungar som har vore her i dag og hjulpe til. So no er klokka sengetid og vel so det, men synsest det var paa tide aa vise livsteikn ;)

No er lamminga i full gang! Me har sauane i ei anna loee enn sist, ei stoerre ei. Likar oppsettet av lammingsbingar og vatnsystemet betre denne gongen.

I dag rei eg rundt blant kvigene og registrerte brunst, so i morgon tidleg vert dei foerste inseminert.

Har foregaatt mykje sidan sist eg skreiv, men faar seie noko om det ein annan dag.

Tusen takk for bursdagsgaavene!
Skikkeleg kos aa lese Bondebladet igjen ;)
Har framleis litt brunost igjen, sparer litt paa siste pakka.
Callie: That brown cheese freaks me out.
Hehe

Hade bra so lenge!